裕鵝莊 (Closed)

想試裕記燒鵝好耐，奈何深井位置不方便，一直未有機會。今次朋友介紹尖沙嘴開了分支店，就帶我來吃燒鵝。深井燒鵝（例）燒鵝皮已經夠邪惡，我們怕肥就冇特別選較肥美的下庄。燒鵝皮脆肉嫩，較瘦的上庄肉質都軟，最鍾意食燒鵝皮，油脂豐沃，好滋味。味菜豉椒鵝腸大大碟，鵝腸爽脆，豉椒惹味，味菜咸咸酸酸醒胃。懷舊炸鮮奶已經好少地方有得食，炸粉薄，好脆，裏面是嫩滑的鮮奶奶凍，又香又滑。鵝莊小炒皇有韮菜花、魷魚鬚、蝦乾、小銀魚、腰果、海蜇、榨菜，炒得有鑊氣，惹味香口，適合餸啤酒。裕.鵝莊位置方便，除左燒鵝正，仲有好多小菜選擇，以後朋友家人聚餐多一個選擇。