裕鵝莊 (Closed)

一講起燒鵝，相信大家都會好似A姐一樣，即刻諗起深井裕記燒鵝。上次去食，都已經係七八年前嘅事啦！依家想食，唔使山長水遠去到深井，皆因深井裕記燒鵝第三代傳人喺尖沙咀開咗現代版嘅「裕。鵝莊」，主攻年輕一群，同樣可以品嘗總店祖傳秘方嘅深井燒鵝。滷水鵝掌翼一開始食個滷水鵝掌翼做頭盤，開開胃先。滷水汁好有層次，唔係得個咸字，甘香惹味。鵝掌翼滷得好入味，真係好滋味。深井燒鵝 （例牌）今晚嘅主角終於到啦！製作方法跟足總店，選用清遠黑鬃鵝，每隻大概重9-10斤，肉香皮靚，用祖傳秘方明火燒烤。醃製連入爐燒需時約1-2日，很花功夫。燒鵝可原隻上，都有半隻、例牌、下庄選擇。我哋揀咗例牌，其實都夠兩至三個人食。燒鵝色澤赤紅，鵝味濃郁，油脂比例平均，皮香肉嫩。一咬落去，勁多肉汁流晒出嚟，味道啱啱好，無搶走本身嘅鵝肉香味。再點埋特製酸梅醬，提升鵝肉鮮味。瑤柱蛋白帶子炒飯呢個炒飯份量一啲都唔小，有好多粒帶子，非常足料。炒飯炒得好乾身，一啲都唔油膩。蒜蓉蝦乾蒸勝瓜蝦乾好大隻，上面鋪滿炸蒜蓉，好香口，勝瓜有非常新鮮，不過就好似比較油膩。（記住Like同Share畀朋友）By A姐M佬 玩樂日記