牛匠石燒 (Closed)

尖沙咀「牛匠石燒」日式燒肉，環境不錯，食材新鮮～等石燒鍋熱咗之後，先有一小塊牛脂肪在鍋上燒一下，就會散發出超級香嘅牛油味，再放上肉類，非常好味。我哋尤其喜歡安格斯牛小排，牛肉質地鮮嫩多汁，每啖都好鮮美，而且加上石燒嘅獨特香味，非常吸引。生菜蒜片非常適合包住燒肉食用，口感層次更豐富。西班牙黑毛豚肉腩,擺盤好靚，豚肉高質，記得要點餐廳特製醬料，好惹味。燒原隻日本魷魚，亦非常值得推介。魷魚肉厚，且魷魚燒得熟透但唔失嚼勁，好飽足！明太子玉子燒一份有三塊，玉子燒蛋味香濃，厚切有口感，再淋上鮮美嘅明太子醬汁，口感豐富。溫泉蛋撈味素飯一流，湯鳥冬Q彈份量足。牛匠彩虹水果茶同埋草莓乳酸都非常清爽。彩虹水果茶嘅水果選材多元，啱晒夏天飲用；草莓乳酸酸甜適中，味道幼滑，比較甜。