Video
Read full review
2009-08-11
87 views
詠藜園登記姐姐問我地搭枱好唔好喎梗係唔好啦，等位要等幾耐吖好快嘅啫，不過搭枱都好闊落，一啲都唔迫架咁我地等位吖比咗張紙仔比我地之後唔知點解佢忽然之間可以變張二人枱出黎比我地前菜小食迫你要嘅 後 : 酸椰菜前 : 花生兩個都好好食，尢其個酸椰菜，正!!!拌海蜇，好爽，好粗，醬料夠味，呢個好呀炸饅頭，外面脆卜卜，入面軟綿綿，不過店子孤寒啲，勁少練奶擔擔麵，無以前大磡村咁好食以前仲係大磡村時，爹地媽咪成日都帶我去食架麵夠彈牙，亦唔會打結，麵條係得嘅不過個湯底真係唔知想點花生味唔濃唔香，只係咬到有花生時，感覺到有花生唔夠辣，唔關我食得辣事，係一啲辣味都無清炒蒜蓉白菜仔，呢個好好食，又唔油賽螃蟹，一上到枱，我望住碟嘢心想 : 無嘢呀，呢個係賽螃蟹 ? 蛋黃呢 ?無蛋黃都唔梗要喇，仲要油到爆我唔識點形容，總之成件事好差感覺差，味覺梗差賣相 ? 有咩 ? 白雪雪一碟嘢，一啲色彩都無，睇見都把火呀韭黃肉絲炒擔擔麵餅餅食呢個麵好好食架配料足，味夠，不過油咗少少但都可以接受咕嚕肉，賣相好靚上枱時熱辣辣，又香但當夾起一舊圓形嘅肉，放入口咬一口時咬極都咬唔開，咬開了...唔好食呀，食到我噴火總結就係，黎"詠藜
登記姐姐問我地搭枱好唔好喎
梗係唔好啦，等位要等幾耐吖
好快嘅啫，不過搭枱都好闊落，一啲都唔迫架
咁我地等位吖
比咗張紙仔比我地之後
唔知點解佢忽然之間可以變張二人枱出黎比我地
前菜小食迫你要嘅
後 : 酸椰菜
前 : 花生
兩個都好好食，尢其個酸椰菜，正!!!
拌海蜇，好爽，好粗，醬料夠味，呢個好呀
炸饅頭，外面脆卜卜，入面軟綿綿，不過店子孤寒啲，勁少練奶
擔擔麵，無以前大磡村咁好食
以前仲係大磡村時，爹地媽咪成日都帶我去食架
麵夠彈牙，亦唔會打結，麵條係得嘅
不過個湯底真係唔知想點
花生味唔濃唔香，只係咬到有花生時，感覺到有花生
唔夠辣，唔關我食得辣事，係一啲辣味都無
清炒蒜蓉白菜仔，呢個好好食，又唔油
賽螃蟹，一上到枱，我望住碟嘢
心想 : 無嘢呀，呢個係賽螃蟹 ? 蛋黃呢 ?
無蛋黃都唔梗要喇，仲要油到爆
我唔識點形容，總之成件事好差
感覺差，味覺梗差
賣相 ? 有咩 ? 白雪雪一碟嘢，一啲色彩都無，睇見都把火呀
韭黃肉絲炒擔擔麵
餅餅食呢個麵好好食架
配料足，味夠，不過油咗少少但都可以接受
咕嚕肉，賣相好靚
上枱時熱辣辣，又香
但當夾起一舊圓形嘅肉，放入口咬一口時
咬極都咬唔開，咬開了...
唔好食呀，食到我噴火
總結就係，黎"詠藜園"，只可以食小食，包點，麵食
其他的，諗都唔好諗呀
兩個人食，埋單$318
相關網誌 : http://hk.myblog.yahoo.com/jessicalim1112/article?mid=5872
Post
