小曼谷海鮮燒烤屋

Open Now

Now Closed

位於馬路旁嘅小曼谷海鮮燒烤屋，門外嘅充氣公仔其中一隻手會隨風擺動，做出好似招手咁嘅動作，都幾顯眼。入面裝修比較新派，樓底夠高，座位分佈較近，但唔算擠迫。餐廳晌九龍城幾有人氣，我哋坐低無耐已經滿座，呢晚就試試係咪名副其實。其中一角擺放咗音響設備，似乎係供live band用，惟當晚無表演觀賞。泰式生蝦刺身，用咗蒜片同辣椒提味，蝦肉彈牙唔霉。豬肉碎生菜包，豬肉碎加咗乾蔥頭同九層塔等，當中夾雜咗少少肥肉，味道唔濃，用生菜包住食都幾清新。明爐蒸桂花魚，桂花魚上鋪滿肉碎、香茅、南薑、香蔥、辣椒、蒜頭、香芹、香葉等，並浸於魚湯中同用明爐保溫，食到尾聲仲係熱辣辣嘅。魚肉嫩滑，魚湯帶檸檬酸香，我哋都覺得幾好味。