Video
Read full review
2020-04-22
574 views
同事住喺九龍城附近，早排生日食完強烈推薦，趁住今個星期收早，同先生提議過嚟食海鮮大餐，最愛海鮮嘅佢當然唔會托我手踭。餐廳地方寬敞，座位之間空間感好夠，座位以卡位為主，感覺舒適。入座後店員隨即將餐具碗碟放入蒸籠消毒，然後再換上新嘅鍋具烹調食物，非常貼心。期間仲不忘為我哋介紹食物，原來老闆自己做海鮮批發，有成40年經驗，每朝早仍然堅持自己去碼頭揀生猛海鮮拎落鋪頭，非常用心。餐牌有五至六款套餐，我哋點咗尊貴海鮮套餐，有九款海鮮加一份有機蔬菜籃，加上粥底，夠哂豐富。最先送上嘅係冷盤——冰鎮野生皇帝瀨尿蝦，尺寸非常大，完全對得住「皇帝」呢個稱號，肉質爽彈，味道鮮甜。元貝尺寸雖然唔算珍寶，但勝在肉質厚實，味道鮮甜；九孔鮑魚大大隻，蒸完都冇縮水，肉質細嫩而且有咬口，另外必須一讚嘅係佢哋嘅海鮮清洗得非常乾淨，冇得彈！龍躉片魚味鮮濃，肉質清爽有口感，魚皮仲帶有膠質，食得出非常新鮮。由於今日冇馬刀貝，所以店員轉咗象拔蚌俾我哋，同樣新鮮，口感清爽。慶南蠔雖然尺寸的骰，但入口鮮味十足，丁點腥味都冇，令人想食完再食。重頭戲當然係落重本嘅龍蝦同肉蟹，望住店員喺旁邊嘅魚缸即捉即劏，非常生猛，上枱嘅時候蟹爪仲識郁！澳
餐廳地方寬敞，座位之間空間感好夠，座位以卡位為主，感覺舒適。入座後店員隨即將餐具碗碟放入蒸籠消毒，然後再換上新嘅鍋具烹調食物，非常貼心。期間仲不忘為我哋介紹食物，原來老闆自己做海鮮批發，有成40年經驗，每朝早仍然堅持自己去碼頭揀生猛海鮮拎落鋪頭，非常用心。
餐牌有五至六款套餐，我哋點咗尊貴海鮮套餐，有九款海鮮加一份有機蔬菜籃，加上粥底，夠哂豐富。
野生皇帝瀨尿蝦
7 views
0 likes
0 comments
最先送上嘅係冷盤——冰鎮野生皇帝瀨尿蝦，尺寸非常大，完全對得住「皇帝」呢個稱號，肉質爽彈，味道鮮甜。
台灣九孔鮑魚/日本大元貝
7 views
0 likes
0 comments
元貝尺寸雖然唔算珍寶，但勝在肉質厚實，味道鮮甜；九孔鮑魚大大隻，蒸完都冇縮水，肉質細嫩而且有咬口，另外必須一讚嘅係佢哋嘅海鮮清洗得非常乾淨，冇得彈！
深海龍躉片
9 views
0 likes
0 comments
龍躉片魚味鮮濃，肉質清爽有口感，魚皮仲帶有膠質，食得出非常新鮮。
象拔蚌
11 views
0 likes
0 comments
由於今日冇馬刀貝，所以店員轉咗象拔蚌俾我哋，同樣新鮮，口感清爽。
韓國慶南蠔
6 views
0 likes
0 comments
慶南蠔雖然尺寸的骰，但入口鮮味十足，丁點腥味都冇，令人想食完再食。
重頭戲當然係落重本嘅龍蝦同肉蟹，望住店員喺旁邊嘅魚缸即捉即劏，非常生猛，上枱嘅時候蟹爪仲識郁！
澳洲青年龍蝦
9 views
0 likes
0 comments
澳洲青年龍蝦啖啖肉，肉質結實彈牙，一啖放哂入口超級滿足！
越南帝王肉蟹
19 views
0 likes
0 comments
越南帝王肉蟹比較少有，尺寸唔算好大，但味道出奇地清甜，先生同我都認為係我哋食過味道最清甜嘅蟹，而且仲有膏，更加難得。
有機蔬菜籃
9 views
0 likes
0 comments
有機蔬菜籃係全晚唯一嘅本地產物，品嚐完咁多海鮮嚟返碟新鮮蔬菜，清新解膩。
排骨粟米南瓜粥
10 views
0 likes
0 comments
最後當然唔少得食埋排骨粟米南瓜粥底，粥底吸收哂海鮮嘅精華，味道非常鮮甜，唔使落鹽都夠哂味，配上清甜嘅南瓜同粟米，味道恰到好處。
3 views
0 likes
0 comments
同事果然冇介紹錯，呢度嘅套餐性價比高，除可以省卻自己買同處理海鮮嘅繁瑣工序，老闆揀嘅海鮮質素的確唔錯，而且店員非常有經驗，每樣海鮮都蒸得恰到好處 ，唔會過老，非常驚喜，下次再嚟挑戰下有成18款食材嘅包羅萬有套餐！
Post
