Video
Read full review
2017-02-21
1496 views
屈小姐係一位名符其實既炒蛋痴，偶而佢就會發病同賴生講話要食炒蛋，之不過⋯屈小姐對炒蛋既要求係比喜瑪拉雅山更高⋯，而且屈小姐正值減肥期（炒蛋好高卡路里好邪惡嫁)，所以佢係絕對唔會亂咁叫炒蛋黎食，廢事白白浪費左Quota麻！就賴生所知，會令屈小姐叫炒蛋既地方少之又少⋯而《華星》就係其中一間啦！可想而知，《華星》炒蛋既功力係有一定既修爲既！今日係屈小姐同賴生跑第2次渣馬既日子，相信過程中已經消耗左唔少脂肪（謎之聲：乜真係咩？），賴生同屈小姐就帶埋朋友仔一齊黎到《華星》放肆下啦！其實呢間《華星客棧》幾大嫁，又幾好坐，位夠晒闊落，侍應們既態度都幾好，最要讚既係上菜速度⋯落完單唔夠3分鐘，份炒蛋已經送到面前叫一份早餐已經包炒滑蛋+厚多士+雞湯火腿通同野飲嫁啦！主角： 炒蛋 （5星）- 呢度既炒蛋優勝既地方係滑！廚師邊炒既時間邊搞佢，將空氣逼入炒蛋入面，令滑蛋有微微氣泡狀，除左滑D之外，更令呢度既炒滑蛋挺身D，食落更滿足！- 至於味道呢，有蛋香，加上有淡淡牛奶味，微甜既，不過蛋味呢就冇《澳X》咁濃郁啦！- 但依然係好出色既炒滑蛋！值5星！配角1：厚多士（5星）- 成3cm厚！仲烘到熱辣辣，面脆，裡面
今日係屈小姐同賴生跑第2次渣馬既日子，相信過程中已經消耗左唔少脂肪（謎之聲：乜真係咩？），賴生同屈小姐就帶埋朋友仔一齊黎到《華星》放肆下啦！
其實呢間《華星客棧》幾大嫁，又幾好坐，位夠晒闊落，侍應們既態度都幾好，最要讚既係上菜速度⋯落完單唔夠3分鐘，份炒蛋已經送到面前
叫一份早餐已經包炒滑蛋+厚多士+雞湯火腿通同野飲嫁啦！
主角： 炒蛋 （5星）
早餐 - 炒蛋+厚多士
58 views
1 likes
0 comments
- 至於味道呢，有蛋香，加上有淡淡牛奶味，微甜既，不過蛋味呢就冇《澳X》咁濃郁啦！
- 但依然係好出色既炒滑蛋！值5星！
配角1：厚多士（5星）
- 成3cm厚！仲烘到熱辣辣，面脆，裡面就勁鬆軟！仲好鬼香添，係新鮮出爐既包包味！好難有得輸！
- 再者，如果你加埋炒蛋食，佢都唔會淋！真係不得了⋯點忍口呀？
配角2: 雞湯火腿通粉 （5星）
火腿通粉
52 views
1 likes
0 comments
- 加上雞湯底濃厚而唔會太咸，令掛汁既通粉變得好好食，一定要連湯食！基本上食完已經冇左半碗湯！（而賴生個朋友係飲埋碗湯添⋯一滴不漏）
- 比起《澳x》，呢度既通粉係更優秀，因為《澳x》個雞湯濃過頭，太重手！
Hidden Boss: 校長多士 （5星）
校長多士
$28
67 views
0 likes
0 comments
- 個多士係比早餐個塊包焗得更脆口！超正 面頭既芝士焗溶晒，金黃色咁癡實塊多士，上面仲夾雜左大量黑松露粒粒！賣相超吸引！
- 話你知，個多士一黎到⋯一定要即食！黑松露夾雜住芝士香不斷催促你食佢之外，焗野要熱食也是常識吧？
- 味道呢⋯⋯無得彈，淡淡芝士香，唔會遮住黑松露，更重要係佢突出晒黑松露既味道⋯食每一啖都好滾動阿！
- 好野係值得等待既
#炒蛋既堅持
#聯手對抗邪惡
#渣馬2週年紀念
#每年都要一齊跑
#屈小姐同賴生既Canteen之一
#早餐冇得頂
#Triple Waste Theory is always on!
#唔好叫煎蛋啦⋯⋯晒左隻蛋呀！
#新鮮出爐既重要
Post
