胡爐 (Closed)

放工同班姊妹想食個精緻啲既火鍋，就有人推介胡爐。果然，胡爐一個又打得卡又好食之選！一入去店員哥哥超好人，細心介紹我地揀鍋底，佢話青麻辣鍋特別啲，辣啲同香啲，當然信佢試下啦。一上鍋底，好足料喎，除左好多香料睇得出佢係真係淆出香辣味之餘，仲有豬紅豬皮同支竹做料，好夾好吸味！一黎就當然叫個牛先啦，手切肥牛食得多，所以就叫左個a5和牛，冇諗過和牛打邊爐都咁正，入口即融！廣島蠔，有半隻手掌咁大，好鮮，一啲都唔腥又creamy！魚皮，好似即炸咁，勁脆一啲都唔油膩，就咁食仲正！冇係火鍋店食過咁正既魚皮，誠意推薦！我諗我同姊妹們下次都一定再會幫襯胡爐，高檔既食材係完全值得去試。