Goobne Chicken (The Hart)

Open Now

Now Closed

想食炸雞，但又怕油膩，朋友推介左呢間餐廳。呢度的雞件係烤好，再調味，食落無咁大負擔。餐廳很大，座位闊落完全唔擠逼。一大排的落地玻璃，透入陽光，又可以望到街景，好舒服。我哋點了馬蘇里拉芝士球，剛炸起的芝士波外皮很脆，散發著淡淡的芝士味，一咬開可以拉出長長的芝士絲，好味又治癒。另外點了半半烤雞，甜辣烤雞配果味醬油蒜香烤雞，果味醬甜甜的，散發著蒜蓉香氣，令人一口接一口地吃。甜辣烤雞甜中帶辣，更加惹味。雞肉大大件，烤得嫩滑多汁，係炸雞的完美替代品。另外我哋點了芒果沙冰，可以點少甜。飲得出滿滿的芒果肉，十分推介。今次第一次食烤雞，估唔到咁有驚喜。下次要再encore。