Mr. Korea BBQ (Moved) New Location

間舖裝修的確係唔錯，地下門口好隱蔽，行樓梯上一樓，入到去的確係好有去咗韓國嘅風味，環境尚可。叫咗一份牛肉拼盤，三百五十八蚊。肉嘅質素完全唔得。首先，四款肉有三款都係硬到咬到起哂渣，係格硬吞落肚，仲要係完全無味，一啲牛味都無。有落醃料醃個款咪好少少，有醃料味，但其他三款真係無肉味到差過自己買舊肉返屋企整。叫咗個牛尾鮑魚湯。都係好淡口，胡椒味欠奉，連牛骨湯應有嘅杰身感都無，好稀，好明顯落唔夠料又滾唔夠時間，感覺去超市買包即熱牛尾湯仲好味過佢。