Video
Read full review
2021-05-24
1638 views
今日朋友生日，專登book左呢間望落充滿古典風嘅西班牙餐廳。喺地鐵站行上去段路都有啲辛苦，要行斜路同樓梯。入去之後我哋揀左窗邊位，不時會有少少陽光透入黎，抬頭仲見到藍天，感覺好chill。我哋去嘅時段係食brunch set，係星期六日同公眾假期先有嘅。佢包左6個starter，一個main course，兩杯coffee or tea ，同埋兩個甜品。佢嘅侍應好熱情咁向我哋講解左一次menu，介紹左signature嘅食物同野飲俾我哋，咁我哋都有聽佢推薦另外叫左兩杯cocktail，都好好飲，唔係好大酒精味，啱哂我呢啲酒精垃圾。首先佢上左啲小菜，有橄欖、麵包同薯仔沙律。之後到前菜，第一道係巴馬火腿配蕃茄包，蕃茄嘅清新同巴馬火腿嘅咸味拎到個平衡，味道好匹配。第二道係蔬菜凍湯，用嚟點包一流，啲湯吸哂入去，但個包外層仲係脆嘅，雙重口感同温度，令到兩樣野都變得不簡單。第三道係燒青辣椒配西班牙傳統romesco醬，啲辣椒燒到好冧，少少辣味加個醬啲咸味，開始變得重口味，不過我中意！第四道係油浸蒜頭蝦，一上菜已經好香，食落大大陣蒜頭味但又唔苦喎，剩低嘅油又俾我拎左黎點包食，哈哈。第五道係燒八爪魚配
我哋去嘅時段係食brunch set，係星期六日同公眾假期先有嘅。佢包左6個starter，一個main course，兩杯coffee or tea ，同埋兩個甜品。
佢嘅侍應好熱情咁向我哋講解左一次menu，介紹左signature嘅食物同野飲俾我哋，咁我哋都有聽佢推薦另外叫左兩杯cocktail，都好好飲，唔係好大酒精味，啱哂我呢啲酒精垃圾。
Forever young, Negroni
28 views
0 likes
0 comments
首先佢上左啲小菜，有橄欖、麵包同薯仔沙律。之後到前菜，第一道係巴馬火腿配蕃茄包，蕃茄嘅清新同巴馬火腿嘅咸味拎到個平衡，味道好匹配。第二道係蔬菜凍湯，用嚟點包一流，啲湯吸哂入去，但個包外層仲係脆嘅，雙重口感同温度，令到兩樣野都變得不簡單。
Spanish Iberico ham on tomato bread
23 views
0 likes
0 comments
Padron peppers with Romesco sauce
17 views
0 likes
0 comments
“Gambas al Ajillo” sizzling garlic prawns
27 views
0 likes
0 comments
Spanish octopus with ratte potato and alioli sauce
15 views
0 likes
0 comments
終於到主菜啦，我哋叫左個paella of the day，咁佢係用牛肉同蔬菜做配料，啲飯粒粒分明，再有少少燶底做左飯焦，食落有啲脆脆嘅口感，好正，但個味道就略嫌淡咗少少。
Paella of the day
49 views
0 likes
0 comments
咁甜品我哋就叫左churros同焦糖燉蛋。我係經OpenRice book位嘅，雖然我有註明係生日，但我冇諗過會有生日驚喜，亦都唔知道會有呢一個event 。喺上甜品嘅時候，一班侍應突然唱住生日歌再捧住個寫住Happy birthday嘅甜品行過黎，我同我朋友當下都係呆左，但之後都好快反應過黎同佢哋一齊唱。個焦糖燉蛋佢哋仲會喺上面淋上酒精，用打火機點起一層火做表演，不過呢一切都黎得太突然，我哋完全用唔切手機去記錄，呢一點最可惜，不過真係做到好驚喜嘅效果～
Spanish churros with hot chocolate, catalan cream with orange flambee
25 views
1 likes
0 comments
最後埋單先每人500蚊左右，有咁嘅環境，食物質素同服務，性價比100分。
Post
