仙后餐廳 (Closed)

當知道呢間餐廳開業就想嚟試試，最後因爲不同原因至三月先同朋友夾到時間嚟。由於只出於「試下先」心態，所以訂咗 Bistro 呢邊。正如其他食客一樣，嚟呢度主要都係被裝修同埋現場表演吸引，亦無令我地失望。所有嘅裝修以至擺件都充滿懷舊氣息。現場音樂，表演者都好出色，表演時間表亦可以係網站上面睇到。但希望嚟嘅人客都尊重表演者、尊重其他人客同埋自己，因為當晚有一檯女士坐係我地後面，大家都好留心聽歌時，佢地就不停傾偈大笑其實真係好騷擾。總括嚟講係一間值得去嘅餐廳，亦都建議大家著懷舊服飾去感受一下。當晚好幸運地遇見張老闆添