Video
Read full review
2020-01-02
1877 views
今日同公司同事去傾生意，傾完同事話不如去happyhour，佢介紹左我黎佢聲稱呢個係佢近期最常去既秘點。見到bar門口叫Monte Carlo whisky club，就知道呢一間係行比較高檔路線嘅威士忌酒吧。果然一入到去就見到有一張poker枱，相信都係俾啲酒客一路飲酒一路玩。酒吧入面有唔少客人但係都好靜，相信大家嚟得呢度都係想靜靜地享受下高級嘅酒精。因為我哋會食煙，同事就介紹不如我哋上天台坐。呢度嘅景係跑馬地馬場景，立刻有一種好豪華嘅感覺。配上枱面嘅燭光，即刻慨嘆呢一刻點解唔係同男朋友一齊（笑）同事係一個識飲酒嘅人，佢叫咗一杯old fashioned。侍應將酒杯擺低之後亦都好細心介紹cocktail入面嘅每一個layer，同埋揀咗嘅酒嘅種類。佢用嘅冰係正統嘅球狀冰，唔會好快溶。杯底加咗糖，令杯嘢飲飲到尾會有幾個唔同嘅layer。至於我呢一杯呢，係Menu上面冇嘅。侍應話如果你搵唔到你想飲嘅cocktail，你可以將你嘅喜好講俾佢聽，佢再幫你調。我今晚揀咗嘅呢一杯係比較似whisky sour。但係佢就用咗少少frozen margarita既做法，令杯酒更清新。細細杯幾啱女仔飲嘅
見到bar門口叫Monte Carlo whisky club，就知道呢一間係行比較高檔路線嘅威士忌酒吧。果然一入到去就見到有一張poker枱，相信都係俾啲酒客一路飲酒一路玩。酒吧入面有唔少客人但係都好靜，相信大家嚟得呢度都係想靜靜地享受下高級嘅酒精。
因為我哋會食煙，同事就介紹不如我哋上天台坐。呢度嘅景係跑馬地馬場景，立刻有一種好豪華嘅感覺。配上枱面嘅燭光，即刻慨嘆呢一刻點解唔係同男朋友一齊（笑）
同事係一個識飲酒嘅人，佢叫咗一杯old fashioned。侍應將酒杯擺低之後亦都好細心介紹cocktail入面嘅每一個layer，同埋揀咗嘅酒嘅種類。佢用嘅冰係正統嘅球狀冰，唔會好快溶。杯底加咗糖，令杯嘢飲飲到尾會有幾個唔同嘅layer。
至於我呢一杯呢，係Menu上面冇嘅。侍應話如果你搵唔到你想飲嘅cocktail，你可以將你嘅喜好講俾佢聽，佢再幫你調。我今晚揀咗嘅呢一杯係比較似whisky sour。但係佢就用咗少少frozen margarita既做法，令杯酒更清新。細細杯幾啱女仔飲嘅。
飲到口痕我哋叫咗一碟nachos。Nachos就正正常常啦！芝士夠多，基本上就係飲酒食一定覺得啱胃口嘅finger food。
總括來講呢度服務好好，係一間專業嘅酒吧。每一杯酒嘅價位係大約$150內，我覺得買佢呢一個景色同埋氣氛係絕對值得。而且喺銅鑼灣呢個地段，呢度亦都好適合小型朋友談心聚會同埋情侶拍拖，絕對會有下次。
Post
