順聯薈

Open Now

Now Closed

聽過好幾個朋友介紹灣仔順聯薈餐廳是香港正宗順德菜的經典，菜品素質地道，服務一流。 限聚令前，好幾次想晚上訂位都回復book滿，想必生意火爆。難得享受餐廳兩人限聚令的恩賜，同先生誤打亂撞上到去，竟然可以有窗邊散檯安坐。服務員講老闆緊持營業至今，員工有嘢做無停薪，言辭間感受老闆良心和誠意，好感由生。 餐前小食就很驚喜：一小碟秘制腌蘿蔔，酸爽清甜，咯咯脆彈曬牙，食落醋香之余隱含輕淡豉味，我在香港首次嘗到，令胃口大開； 上前菜兩款，分別是家鄉煎釀豆角和鹹脆奶。豆角可釀？才第一次聽到，等擺上檯面，隔遠就聞到肉香撲鼻，食落口感一流。脆奶鹹口，別出心裁，區別坊間的甜奶，香、酥、脆俱全，完全消除甜膩的擔心。 主菜四道：順德拆魚羹，煎焗大魚嘴，脆皮妙齡乳鴿，均安頭菜蒸菜遠。 拆魚羹久負盛名，餐廳厨師用傳統方法演繹，魚湯底味香濃真鮮，內容刀章細致，同時加入靚花膠絲提升軟糯口感，是我食過最好的拆魚羹，“沒有之一”。 吊炸乳鴿皮脆肉香帶汁不柴，上乘之作。均安頭菜鹹淡融和，配合清甜無渣蒸菜遠，簡單地道。