星宴中餐廳 (Closed)

食好嘢--尖沙咀實在有很多選擇。位於九龍站，W Hotel 之餐廳，難免要與其他星級餐廳比拼，注目度顯得相對較低。今日一試，味道美味，用心製作，價錢更為抵食。今次簡單叫了一個商務午餐，只需200多元，便能享受酒店級嘅中菜廳水平，絕對抵試。先來一個是日燉湯，濃郁美味。點心拼盤:炸物炸得香脆。點心即叫即蒸。用料新鮮。當中最欣賞鳳尾蝦，鬆脆而不油，已經好少地方有得食。時蔬好鮮甜。最驚喜係黑松露炒麵: 一上枱已經聞到好濃香嘅黑松露香味，麵又炒得好。最後食埋甜品，好完美的一餐。就咁睇好似唔係幾多嘢，不過逐樣逐樣上，其實都好飽。最重要係乜呀---只係200幾文，我平時樓下飲茶都唔係平好多，但而家去左酒店食咯喎。題外話: 佢嘅晚市套餐其實仲抵食。$700蚊，有燕窩龍蝦湯，有和牛麵包盒。用料矜貴，性價比超高，而最重要係--都係好好食架。但如果你期望可以俯瞰維港景色。位於地下嘅啲星宴就幫唔到你喇! 不過佢嘅環境絕對舒適，裝修型格高貴。