肉骨皇 (Closed)

黎到大坑緊係要食d特別野 呢間外面睇落好精緻 忍唔住入去試下佢呢間超正 佢外面都有閉路電視 可以睇住出面有冇人抄牌 好正 黎到門口已經聞到好香既肉骨茶味 成間野都望落去好舒服 我就叫左肉骨茶同個麵黎食檳城香濃肉骨茶 佢有蒜香豉油點入面既肉骨 d肉好林 軟骨麵脆卜卜亦有油炸鬼可以放埋一齊飲 佢熱住個爐係到 等到滾起佢再幫我拎走個蓋入面有豆卜 腐竹 豬骨 杞子 冬菇 二人份量岩岩好每人一碗 味道超香濃好好味 又足料 海鮮喇沙 我要左油麵同新竹米粉兩溝 佢既麵好香 好好味 吸晒湯既味道 好入味 仲可以一次過好貪心食最兩種口味 入面有豆卜 海蝦 由魚 魚片 蜆 青口 仲有粗身既芽菜 仲有一粒溫泉雞蛋 小小辣辣地 好香口 碗麵超足料 兩個女仔食都夠飽 值得一試