蜜庵本膳 (Closed)

近日發現尖沙咀有間日式餐廳，無論係食物定環境都十分有Mxji 簡約風，完全係我既菜，當然要入去試下。午餐有自選三品定食，首先會有沙律同面豉湯。自選部分，飯可以揀白米/十穀米。另外冷盤主菜、燒物/炸物、同鍋物都各有三款可以揀。冷盤今次我就揀左三文魚香印提子他他，從來都無諗過三文魚同提子係咁夾，清甜既香印提子可以中和三文魚既魚油，食落清新仲無咁油脷。而燒物就揀左柚子風味燒雞，老實講柚子味唔算好濃，但雞扒真係燒得十分好。雞扒又薄又燒到好脆，但下面既雞肉仍然十分嫩滑多汁。伴菜既炸秋葵口感都好特別。最後鍋物揀左洋風牛肋肉番茄煮。牛肋肉炆到十分淋，用筷子輕輕一整已經散開，而且亦都十分入味，個汁用黎撈飯真係一流。另外叫左一杯飲品”繁星之夜”，其實阿薩姆黑茶，有少少薄荷味幾特別。最後仲有咖啡味雪糕，真係好滿足。無論係環境同食物都好滿意，我肯定會經常黎呢度食飯。