349
36
5
2-min walk from Exit N3, Tsim Sha Tsui / East Tsim Sha Tsui MTR Station continue reading
Telephone
24610888
Introduction
Japanese minimalist style decor. Various flavors of pancakes are made to order by using premium quality rice flour, egg, Hokkaido corn powder with French Echire cultured butter. continue reading
Opening Hours
Today
12:00 - 22:00
Mon - Sun
12:00 - 22:00
*Last order: 21:30
Payment Methods
Visa Master AlipayHK Alipay Cash Octopus Apple Pay WeChat Pay
Other Info
Spot payment
Review (417)
Level4 2020-05-03
1359 views
📍蜜庵本膳~尖沙咀📍#五一黃金週🎗又點少得甜品嘅環節😋食完晚飯大概八點半已經見到好長嘅人龍,建議大家平日中午去食,因為夜晚好多甜品嘅款式都賣晒😔餐廳裝潢係日式簡約風,氛圍好舒服😗主要售賣日式和食同甜品,但今次就冇嗌到主食啦😛1️⃣ 鮮果黑魔法 Seasonal Fruit Chocolate Black Magic Pancake $138本身以為會好大份,結果送到上嚟份量都幾少😂不過賣相真係好靚,打卡一流📸班戟係用米粉製成,同大家一般食到嘅用麵粉製好唔同,食落好有米香🤩班戟疊到七層高再加上自家製濃郁可可醬,好滿足🤤士多啤梨仲要好甜🍓加哂分!2️⃣ 蜜瓜美人巴菲 Melon Beauty Parfait $108唯一令我有驚喜嘅可能就係上面嘅日本蜜瓜🍈真係超級香甜😍但係雪糕嘅味道帶有甘酒味唔係太鍾意🍦入邊仲有寒天同埋啫喱,整體味道普通🧐💡總括而言,日式班戟味道好特別,值得一試👍🏻見到好多人食開心果味班戟,下次都要試吓!🎗💛#hkhungryfoodie 尖沙咀#hkhungryfoodie日式#hkhungryfoodie甜品 continue reading
(The above review is the personal opinion of a user which does not represent OpenRice's point of view.)
不能出走,唯有吃一餐和食以舒解想旅行的心。難得放假,慕名而來到尖沙咀「蜜庵本膳」,一嚐好評如潮的和食。位於小街內的「蜜庵本膳」,店舖裝潢走日系簡約風,全使用木質桌椅。清湯烏冬質感煙韌,配以惹味的炸雞非常搭。熱騰騰的炸雞juicy肉嫩。因為是下午茶menu,本來的份量是較少,圖中是加大了的份量。杯子蛋糕以米粉焗製,適合對麩質敏感人士食用。米蛋糕上面舖了蘋果片,味道微甜清香。配上一杯熱茶實在更好不過!混合軟雪糕分別是美人和京茶咖啡,2者以京茶咖啡濃味一點。素食雪糕是自家製,標榜無蛋無奶,質感柔滑,淋上黑蜜後增添多一點甜香。雙白玉一粉一白,粉的是青森產艾草玉子,另一顆則是京都產白玉子;口感煙韌。整碗中,筆者當然最愛來自京都的抹茶寒天:入口帶著茶味又有點爽,像涼粉般,再拌上北海道紅豆蓉,抹茶紅豆一向就是最佳拍擋。另外也有一些季節水果,如:蜜柑、藍莓等。不過就有一點帶酸。班戟特別之處是採用自家磨製的日本米粉取替麵粉,而且創新了不少口味。例如筆者吃的就是朱古力口味,班戟上的可可醬同是自家製,用了法國品牌cocoa barry的朱古力,柔滑又可可味濃郁。日本米粉製成的班戟質感綿滑,還帶有一點彈性質感。據說餐廳以乳酪代替牛油,難怪入口充滿香味之餘又沒有太大膩感。抹茶加蘇打水,還是第一次喝呢。蘇打水的清涼感中又有微微抹茶甘香,蠻特別的。 continue reading
(The above review is the personal opinion of a user which does not represent OpenRice's point of view.)
Level4 2020-03-20
2954 views
餐廳環境以淺色木系作主調,裝潢簡潔,和風清新感讓人有種休閒舒適感。Bar枱下設有UBS及插座叉電,店員親切先幫我們噴上搓手液,能在衛生乾淨環境之下安心用餐。Menu中有下午茶主食、班戟及特式飲品,飲品我們點了沉默的搖動籃曲花茶,及焙茶甘酒拿鐵 $48,焙茶味適中清淡,上層泡沫感厚,甘酒的味道中和了熱焙茶那種苦澀味,是飲開較少有的焙茶特飲味道。生姜豚肉烏冬 ($78)足料扁烏冬滑身彈牙,半肥瘦豚肉薄片,加上有酒香的豬骨湯底,濃郁份量夠,是下午茶唔錯嘅選擇。下午餐套餐還附送日本玄米煎茶,更可以半價優惠轉一杯特飲,夠哂經濟。和WA $98配上甜美的紅豆蓉,面層灑上焙茶粉及沖繩黑糖蜜,小班戟加印了香港加油的字句,旁邊還有焙茶忌廉及日本栗子,五件口感幾實在的米粉班戟,CP值不錯,還是空氣感不算強的麵粉班戟較為健康。 鮮果開心$138招牌Signature 米粉班戟同樣是加了香港加油的小班戟裝飾,開心果醬製成的忌廉,配了紅酒蜜桃及新鮮士多啤梨,將整整六層的薄班戟切開一口咬入,口感非常讓人治癒,味道出色。班戟質感鬆軟,厚度平均煙韌,推介之選。下午茶價錢中上,是尖沙咀少有性價比高的餐廳,而且空間感唔錯的日式小店。👅美味: ⭐️⭐️⭐️⭐️⭐️/5✨環境: ⭐️⭐️⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️⭐️⭐️/5 continue reading
(The above review is the personal opinion of a user which does not represent OpenRice's point of view.)
Level4 2020-03-09
2631 views
💛香港加油 和風日式小店💛-依到一定一定要試pancake,佢用日本磨成既米粉做,以取代麵粉。全份都係用日本高級食材製。Pancake好多選擇,有咸有甜,款款賣相都勁吸睛👀最後揀左依個鮮果開心Pancake($138)是日時令水果係士多啤梨配開心果醬Pancake,開心果醬係由意大利西西里島直送,食落超香濃既開心果味,再同打得綿綿輕盈既忌廉融為一體。無論味道同口感都一流👍🏻米粉Pancake質感綿密,帶陣陣蛋香。-海膽和風卡邦尼烏冬($168)用上厚切燒日本煙肉,肥瘦適中,肉香撲鼻,海膽用料上乘新鮮,無腥味,仲幾甜,卡邦尼煮法碰上Q彈烏冬一樣咁match😍-和牛王漢堡丼($158)有驚喜!漢堡扒係用和牛整,食落牛味香濃。最讚既係用人手打,都可以做到質感咁結實,唔會一切就碎開哂,切開仲要係粉粉地色,好juicy!🤤牛上面既流心蛋黃一切即同和牛漢堡扒融合,超夾🤤米飯係用上紅菜頭同紅酒混合而成既紅米飯,撈埋蛋汁食一流,仲帶肉香添!-炸牛肉薯餅($48)新鮮炸起,薯餅足料全部都係牛肉薯仔蓉😍小店餓一道菜都用料上乘,製作認真而且食物高水準,值得支持🤤🤤🤤 continue reading
(The above review is the personal opinion of a user which does not represent OpenRice's point of view.)
❀ 蜜庵本膳 #尖沙咀 #💛❀❗️全港唯一米粉班㦸 排長龍日式多元化店 ❗️——————————————————Bookmark左呢間位於尖沙咀嘅日系餐廳好耐,經常排長龍,剛好係冇得堂食前嚟到。佢哋最出名莫過於獨有嘅米粉班㦸🥞🌟午市 (14:30前)會有「一汁三菜」嘅午市定食同埋最經典甜嘅米粉班㦸,15:00-17:00就供應返主餐牌嘅食品,有一啲創意配搭嘅日式飯面同埋鹹嘅米粉班㦸。.疫情期間,外賣自取有八五折💥另外亦可以喺foodpanda或者Deliveroo平台(即將登陸)度買。買多啲仲有額外折扣,詳情可以睇返佢哋IG。.✷𝑀𝑒𝓃𝓊✷☞ 開心果蜜桃pancake🥞 $148佢哋嘅pancake係全港獨一無二嘅米粉班戟,靈感源自於店主去日本旅行🇯🇵。口感有少少介乎於梳乎厘班戟同美式熱香餅之間,冇梳乎厘班戟咁重空氣感,但又唔會好似美式熱香餅咁實在,有少少煙韌嘅感覺,而且真係會散發住一種米香👍🏻開心果忌廉有少少流質,唔會太膩,味道偏向大眾接受到甜甜地嘅開心果味💫蜜桃都幾多汁不過就唔係太甜,覺得同pancake有少少分離,似獨立嘅生果咁。整體味道唔錯但唔算太特別,可能佢哋嘅鹹味班戟會更加有驚喜。味道: 3.9/5 性價比: 3.9/5 .☞ 一湯一飯三主菜定食$128近年來香港越來越多呢種日式嘅三餸飯(不過價錢就比起香港嘅三餸飯貴得多)🤣預設有白飯/十穀飯、沙律、麵豉湯、甜品。另外可以自由配搭冷盤、鍋物同埋炸物。Menu會定期轉換,大部份嘅配搭都係走健康嘅路線,菜嘅比例會較高🥬。當日揀咗:火炙章魚伴意大利黑醋、酒粕生薑雞鍋、芝士焗藍青口。份量有少少細,男仔食應該就唔夠飽,味道不過不失🙈雞鍋唔係太食到薑味,反而有啲奶油味。青口嘅芝士唔夠多。相反甜品就好有驚喜🤩當日係咖啡焙茶雪糕,甚少見到呢兩個味道加埋一齊嘅配搭,意想唔到嘅夾,有少少咖啡嘅香苦味,又有焙茶嘅烘焙香,口感同Via Tokyo 非常似,係有少少實在嘅綿滑💕。味道: 3.3/5 性價比: 3.3/5 .整體來講味道不過不失,感覺上甜品較為出色。不過份量有啲少,唔算太抵食😶建議如果真係想試嘅話,三點後到會有好啲,有多啲選擇! continue reading
(The above review is the personal opinion of a user which does not represent OpenRice's point of view.)