雲南人家風味餐廳 (Closed)

今日晏晝同個同事去咗新蒲崗搵食，初頭都唔知食咩好，因為lunch Time時間間間食店都好多人，同事話想食飯，咁我就話不如食呢間雲南人家，因為我之前都有食過味道都幾好，見佢話可以試吓我哋就一齊入咗去食。入到去見到餐牌有個豆花飯，但自己又好想食麻辣雞，所以就問了店員可不可以加埋一齊，店員話可以但第二個送另外加$15，所以我最後叫了一碗豆腐花麻辣雞飯，豆花非常之滑而且配飯食非常之好胃口，麻辣雞唔算太辣，可以接受，而且配合埋豆花飯非常之好食，唔使10分鐘我就食晒成碗飯。朋友就叫左碗豆花飯，佢食完之後都話幾好食，下次可以再encore豆花飯$35，另外+1個餸$15，加嘢飲加$6總結成餐飯我食咗$56