大滿喜日本料理 (Closed)

今日同呀妹兩個去食放題，揀左呢個選擇特別多既大滿喜！佢剩係飲品都多選擇過人，除左平時都要既有氣飲品同茶之外，連清酒同梅酒都有！我一入去就比個雪糕同甜品櫃吸引左！有好多唔同牌子既雪條，連雪米糍都有，我食左粒朱古力味既，佢入面除左朱古力雪糕外，仲有軟心朱古力！好特別！除左呢d,食客仲可以配軟糖自制乳酪雪糕，d軟糖好好食（錯重點XD)放題食物方面，呢到竟然有蜜汁烤豬肋骨，都係第一次係放題見到咋蜜味好足之餘豬肋骨肉質鬆軟，好食有章魚丸都令我好驚喜，我仲特登咬開一半睇下係咪真係有章魚，比我見到好大條章魚腳，用料好足！見到個豬骨湯就忍唔住拎碗試下咩味，本身以為好似出面d湯咁一係得水味一係味精味，結果完全真係老火湯既味，令我由試味變到飲哂成碗！呢到仲有炸鮮奶，外脆內軟又香甜，令我忍唔住叫多兩件呢餐放題令人好滿意，好有驚喜