星宴中餐廳 (Closed)

媽呀，圓方真係好難去呀，不過阿女為咗帶阿媽試餐廳都去下啦。今次嚟到星宴，阿媽本來冇乜期望，不過最後佢又食得開心滿意喎😏一行三人我地叫咗叉燒腸粉，蝦餃，燒賣，帶子餃，蝦多士，棉花雞，叉燒包同埋灌湯餃。其實點嘅呢幾樣嘢都好食，我本人大愛個灌湯餃，湯好甜，又足料。而團友嘅至愛係蝦多士，我覺得美中不足嘅地方係上面淋咗沙律醬，沙律醬另上嘅話可以照顧到唔食沙律醬嘅人，成餐飯會完美好多。