夢上海 (Closed)

我用團購方式用$300多元買咗張食蟹粉套餐的劵，去之前兩日已訂位。我同老公準時去到，一去到就有位坐，不過是被安排坐最近門口個位，當日温度是9度，度門又開又關凍到爆。雖然我地坐在接待counter側邊，但坐咗20mins都無荼無招呼，要問咗幾次先有人嚟。成晚餐飯最好只是頭三碟前菜，其餘都好唔掂，個蟹粉小籠包皮厚又細隻，蟹粉是腥。個碟拉麵D麵條完全咬唔斷，咪叫佢地換個碟。個部長走嚟話換過碟炒麵代替拉麵好唔好，我地答好，不過最後都是俾返頭先碟拉麵唔係炒麵，當然今次碟拉麵D麵條咬得斷啦！但係點解要走嚟問換第二樣嘢侍俾你，最後又無，簡直多餘。蟹粉獅子頭真是腥，令到的伴菜都唔好食。到埋單走時原來仲要俾個套餐的原價的加一服務費和茶錢共$90，即是計埋之前paypal過咗數的$300多元，呢餐垃圾要$400多元。其實喺呢間嘢食自助餐兩人都是$400多元，都喺食套餐D嘢只不過少了蟹粉。我今次真喺好蠢，好蠢，好蠢，好蠢，好蠢，好蠢，好蠢，好蠢，好蠢，好蠢！以後在用團購買嘢都只是買現金券，一定唔買套餐劵。