Video
Introduction
Shanghai Dream located near Hung Hom Bay, it provides quality Shanghai Cuisine. The menu provides a variety of cuisine like appetizer, soup, seafood, fried meat, vegetables and Dim Sum. There are many signature dishes including Drunken Squab and Mandarin Fish Balls with Pine Nut.
continue reading
Opening Hours
Mon - Fri
12:00 - 15:00
18:00 - 23:30
Sat - Sun
12:00 - 23:30
Public Holiday
12:00 - 23:30
Above information is for reference only. Please check details with the restaurant.
Signature Dishes
Review (81)
又係團購魔力!!因為未試過, 結果又心思思買左去試~呢日專登出黎食, 男友仔+朋友仔, 一行 3 人.....殺呀!!佢個地點真係..................僻得有點兒那個~一到步, 見到入面好 full, 心諗....應該幾好食呱...嘿嘿好早之前就已經打左黎 book 位, 所以去到就有位留左了 =)一入到去, 店面細細, 還好唔算迫, 不過真係有少少失望...因為.................野食既 choose 就 only 得中間一張細細既長枱仔 =(坐低之後就有張 order 紙, 因為有部份食物係剔紙仔的~片皮鴨係配給的....但質量好一般, 皮亦唔脆 =(其他食物味道亦唔出眾, 只係一般....比較好食既係魚, 無論係炸魚定係炒魚, 魚質都好滑 =)我地一致既食後感係..............1 - 野食選擇太少2 - 食味一般唔出眾3 - 片皮鴨唔算貴價野, 但只係出左一次, 手快有手慢無4 - 位置較僻所以...........應該都唔會再去了 =(
continue reading
用了團購，試試半自助餐，前菜甜品任食再加一碗麵。由於以前食過，看過食評都覺得，只要平日食就應該ok，今天放假咪同居士夫人去囉！點知……12:15pm去到，成個場無人，只有一班早我10秒到場的一圍人，坐下後我便表明是享用半自助餐的，員工竟然話，出面擺放的食物不可享用，他們會安排「三碟」前菜給我……嘩！我即刻問，什麽叫做“前菜甜品任食”呢？可能佢地想分開半自助餐同全自助餐，所以安排半自助餐的人，由員工上三碟前菜了事，但這個安排極有問題，就係因為佢地把前菜同甜品，連同湯、飯、熱勲等食物一齊放，做成混亂係佢地自己攪出黎……結果嘈完一輪，一位擬似領班的員工，就帶領我，話俾我知邊D食得邊D唔食得，簡單些，凍的食物為“前菜及甜品”，再加一項熱食“紅豆沙”，就是我和夫人今天可以享用的自助食物！講翻食物，基本上係好味的，前菜今天有八款，大部份係菜，另有醉雞、五香牛肉、鹵豆腐等等，同佢宣傳單最大分別係無左海哲同雞絲粉皮，其實八個前菜都幾好味，尤其醉雞及鹵豆腐可以推介俾大家；跟住上主食，分別有排骨湯麵同雲吞擔擔麵，排骨乾身但無味道，賣相好唔肥膩，師父其實做得好好，只係調味方面要再調一調，湯麵大碗，湯清甜，麵彈牙好味，但擔擔麵就唔得，雲吞好淋味道唔好，擔擔醬味道淡，成碗麵都唔好食，我只吃了所有雲吞及半碗麵就放棄了；最後輪到甜品，基本上係六款食物，有西瓜、蜜瓜、桂花糕、芝麻酥、好豆沙及杏仁豆腐，兩款瓜正常，杏仁豆腐我跟夫人都唔食無評價，芝麻酥普通，食了一件便無再取，好豆沙淡，又係兩人分享一碗算了，只有桂花糕食了很多，桂花夠味，糕都好企身，不會一夾就散，可推薦，還有送了熱豆漿，豆漿味係古老味道，但隱隱感到唔新鮮同埋好淡。眼見坐係度兩粒鐘，加埋唔知有無10枱客，大部份都係用團購埋單，真係唔知佢地仲可以捱幾耐，服務唔係話差，食物質素唔高但都可以接受，安排係混亂，正價係定得幾高，但真係食完一次都唔係咁有意慾想食第二次的時候，希望佢地再諗諗，除了用團購吊命外，還有什麼可以做得更好，至少唔好寫住自助任食時，竟然會同客人講唔准出去攞，俾三碟你食咋！正價78加一就真係貴左少少，若團購38加原價加一都還可接受的。另外就係師父幾健康，好多食物味道偏淡，淡到變得無咁好味。
continue reading
用團購買了七張 coupon, 諗住之前嘅評語不太差, 便即管試試。當日分了兩個時段; 11:30 am - 1:30 pm , 1:30 pm - 3:30 pm , 我們揀了 11:30 am 嘅時段, 當然我同家人準時到場, 現場已經有食客坐低等緊 ！我已經第一時間填左一張自選菜式俾埋侍應生, 如其他食評一樣; 都係小籠包、陽春麵、糖醋排骨、銀絲卷...之類 ！同時間, 家人已經排隊攞出面 d 熱盤同冷盤, 但俾我印象最多是款款都有豆腐.... ., 我地食了兩 round 大約三十分鐘, 出面已經沒有任何食物, 問 d 侍應生, 佢地話等緊廚房整熱, 但好多都係冷盤喎, 我相信遲來嘅人已經冇野好食, 要等第二輪嘅熱盤同冷盤。 講番第一時間自選菜式, 一樣都冇出來, 開始知道餐廳原來用拖字訣, 令到每枱客係咁等, 等都等飽, 咁就好快兩小時喇 ! 又等了差不多十分鐘後, 先見有小籠包、鍋貼首先出場, 家人嫌小籠包太酸, 所以都冇再 order ! 即係話等了四十分鐘先開始有自選果 d 菜式食！至於佢嘅弄堂片皮鴨, 五十分鐘先開始第一輪, 我們七人只分到九件, 麵粉皮又唔同時間蒸出, 導致片皮鴨等皮, 之前有出過嘅麵粉皮又已經凍硬了 , 再問侍應生仲有冇得再 order 片皮鴨? 佢答 : 今天人多, 每枱都要分少少, 未必再有得攞 ! 乜唔係日日同每個星期都有呢個自助午餐嗎？人多錢自然收多, 乜唔係應該多番 d 食材嗎？吓...乜係將人就貨, 下次真係好難再幫襯 !!!總括 : 最有印象只係糖醋排骨, 豆漿 , 餐廳仲有個好為客人著想嘅概念; 每次 order 陽春麵都給客人環保; 三碗嚟兩碗; 兩碗就嚟一碗。 早一小時前嘅 order 嘅小菜, 臨走先至嚟 !!!今次係我頂唔住寫嘅第一篇食評, 希望佢地改善下！
continue reading
團購推出「上海貴族自助午餐」每位$99+10%, 「夢上海」既是高級會所九龍會屬下餐廳, 心想水準應該有保證, 因而買下coupon一試。 是日為星期日, 食客頗多, 還好地方尚算寬敞,未至於擠迫。由於是半自助餐,部份小菜、點心是即叫即製, 為了節省時間一坐下即點些小菜, 然後才向自助美食區進發。 自助前菜分別有四喜烤麩、蒜香小青瓜、雞絲粉皮、涼拌茄子、蒜醋小木耳、醉雞、油炆笋等，由於是大堆頭製作, 難免有些粗製濫造, 如雞絲粉皮一整碟都是白雪雪的粉皮,上面的青瓜絲和雞絲少得可憐; 醉雞雖然浸入花雕酒也毫不入味。酸辣湯還可以, 用料和味道一般... 接着的自助熱炒有乾煸四季豆、炒冷麪、炒上海年糕、紅燒肉、宮寶雞丁、素雞和麻婆豆腐; 除了炒冷麪和炒上海年糕尚算惹味, 其他都欠缺上海菜應有的濃味, 應辣的不夠辣, 有點失望。還好自選的熱炒和點心這時送到, 我們點了毛豆百葉, 這個菜略嫌淡口; 糖醋魚片、青豆河蝦仁和西芹魚片都不錯, 食材夠新鮮; 乾燒河鰻片的醬汁跟糖醋魚片的沒大分別, 如要二選一我會encore 糖醋魚片, 大大啖魚肉入口較薄薄的鰻片討人喜歡。 自選的點心有小籠包、窩貼、菜肉雲吞、炸銀絲卷、蒸饅頭、葱油餅, 都不過不失, 但陽春麵卻略嫌乾硬, 不吃也罷。 這個半自助餐最大賣點...片皮鴨, 當然要一試, 雖然起初供不應求, 但當食客開始吃飽, 餐廳仍有補充, 至最後許多鴨皮放於桌上無人問津, 其實這個片皮鴨可算是皮脆肉厚, 肥膏欠奉,可惜包鴨皮的粉皮弄得不好, 又濕又厚, 令整個菜式扣了分。 這個自助餐最受歡迎要算是自家製豆漿, 一大煲無味的熱豆漿, 旁邊罷擺放了砂糖、細片油炸鬼、咸菜碎和葱花, 供食客自行調配甜豆漿或咸豆漿, 都算設想周到。 最後的自助甜品有芝麻酥 、桂花糕、桂花酒粮丸子、西瓜、哈密瓜; 個人較喜歡桂花糕, 夠凍和結實, 還有桂花酒粮丸子, 充滿桂花和丸子, 不太甜,是不錯的餐後收糖水。 總括來說這個半自助餐沒想像那樣出色, 一大伙人以這個價錢可以有更好的選擇, 我和友人都覺只此一次便夠了, 無意欲再來重試。
continue reading
用團購買了4張coupon,一早訂了今日,誰知天公這樣造美,全日落雨之外還是滂沱大雨那種而且我們還要兼顧姨甥女及BB車,想取消但因已是限期到前兩日,所以如期赴約,雖然來回都是坐的士,不過遇到這種天氣,真是有些兒唔方便雖然今日並不是假日,來到每枱差不多已坐滿,我們被安排坐卡位,好在加張BB椅都不成問題,姨甥女起初坐下有些兒扭計,女接待員小姐見狀,說有玩具轉頭拿給她玩,就這樣BB總算定下來一陣,我們開始輪流拿東西食,不過出面的冷熱盤選擇真的並不太多.之前看到好幾篇食評都對此店彈多過讚,不過本著平常心態也不多想,但最後我們一致認為食物質素大多可以接受,當然個別某些食品有待改善.首輪選取出面長卓上的食物,醉雞唔夠酒味~~~片皮鴨肉質稍為硬實而且皮好乾,還有包鴨食的皮媽咪話好難食~~~四喜烤麩是上海地道名菜,可惜此店做法,味道完全失色~~~小木耳,拍青瓜,雞絲粉皮一般般~~~魚香茄子,宮保雞丁,麻婆豆腐,上海炒拉麵,回鍋肉,四季扁豆味道賣相相當唔錯~~~最有驚喜的是酸辣湯,酸辣度適中,材料簡單但入口豐富,難得的是媽咪讚不絕口,我們臨走前都再飲多碗至於用紙點叫的食品,鍋貼皮,餡都乾巴巴~~~蒸銀絲卷唔夠軟熟,放涼後更硬實~~~小籠包叫了好久才到,食時已唔熱,皮好硬,但再點叫的一籠,好快就到,熱辣辣,湯汁多幾好味~~~菜肉雲吞,青豆河蝦仁,蔥油餅普普通通~~~糖醋鮮魚片爸爸讚好味,所以再追加,我們最欣賞的反而是臨尾才來的椒鹽排骨,惹味香口,肉質夠嫩~~~醬炒河鰻片,茨汁調較得好,鰻魚片又嫩滑~~~蔥爆肥牛肉,京蔥非常鮮嫩,完全無渣,雖然食到最後已經飽晒,但我們仍然覺得這三道小菜好好味,可能食客已陸續離去,所以上菜快了,又夠熱又夠鑊氣.最後的甜點酒釀丸子,桂花糕都不過不失.今日天氣雖然惡劣,幸好這餐飯沒讓人太失望,最難得是媽咪他們也好滿意
continue reading