夢上海 (Closed)

又係團購魔力!!因為未試過, 結果又心思思買左去試~呢日專登出黎食, 男友仔+朋友仔, 一行 3 人.....殺呀!!佢個地點真係..................僻得有點兒那個~一到步, 見到入面好 full, 心諗....應該幾好食呱...嘿嘿好早之前就已經打左黎 book 位, 所以去到就有位留左了 =)一入到去, 店面細細, 還好唔算迫, 不過真係有少少失望...因為.................野食既 choose 就 only 得中間一張細細既長枱仔 =(坐低之後就有張 order 紙, 因為有部份食物係剔紙仔的~片皮鴨係配給的....但質量好一般, 皮亦唔脆 =(其他食物味道亦唔出眾, 只係一般....比較好食既係魚, 無論係炸魚定係炒魚, 魚質都好滑 =)我地一致既食後感係..............1 - 野食選擇太少2 - 食味一般唔出眾3 - 片皮鴨唔算貴價野, 但只係出左一次, 手快有手慢無4 - 位置較僻所以...........應該都唔會再去了 =(

用了團購，試試半自助餐，前菜甜品任食再加一碗麵。由於以前食過，看過食評都覺得，只要平日食就應該ok，今天放假咪同居士夫人去囉！點知……12:15pm去到，成個場無人，只有一班早我10秒到場的一圍人，坐下後我便表明是享用半自助餐的，員工竟然話，出面擺放的食物不可享用，他們會安排「三碟」前菜給我……嘩！我即刻問，什麽叫做“前菜甜品任食”呢？可能佢地想分開半自助餐同全自助餐，所以安排半自助餐的人，由員工上三碟前菜了事，但這個安排極有問題，就係因為佢地把前菜同甜品，連同湯、飯、熱勲等食物一齊放，做成混亂係佢地自己攪出黎……結果嘈完一輪，一位擬似領班的員工，就帶領我，話俾我知邊D食得邊D唔食得，簡單些，凍的食物為“前菜及甜品”，再加一項熱食“紅豆沙”，就是我和夫人今天可以享用的自助食物！講翻食物，基本上係好味的，前菜今天有八款，大部份係菜，另有醉雞、五香牛肉、鹵豆腐等等，同佢宣傳單最大分別係無左海哲同雞絲粉皮，其實八個前菜都幾好味，尤其醉雞及鹵豆腐可以推介俾大家；跟住上主食，分別有排骨湯麵同雲吞擔擔麵，排骨乾身但無味道，賣相好唔肥膩，師父其實做得好好，只係調味方面要再調一調，湯麵大碗，湯清甜，麵

用團購買了七張 coupon, 諗住之前嘅評語不太差, 便即管試試。當日分了兩個時段; 11:30 am - 1:30 pm , 1:30 pm - 3:30 pm , 我們揀了 11:30 am 嘅時段, 當然我同家人準時到場, 現場已經有食客坐低等緊 ！我已經第一時間填左一張自選菜式俾埋侍應生, 如其他食評一樣; 都係小籠包、陽春麵、糖醋排骨、銀絲卷...之類 ！同時間, 家人已經排隊攞出面 d 熱盤同冷盤, 但俾我印象最多是款款都有豆腐.... ., 我地食了兩 round 大約三十分鐘, 出面已經沒有任何食物, 問 d 侍應生, 佢地話等緊廚房整熱, 但好多都係冷盤喎, 我相信遲來嘅人已經冇野好食, 要等第二輪嘅熱盤同冷盤。 講番第一時間自選菜式, 一樣都冇出來, 開始知道餐廳原來用拖字訣, 令到每枱客係咁等, 等都等飽, 咁就好快兩小時喇 ! 又等了差不多十分鐘後, 先見有小籠包、鍋貼首先出場, 家人嫌小籠包太酸, 所以都冇再 order ! 即係話等了四十分鐘先開始有自選果 d 菜式食！至於佢嘅弄堂片皮鴨, 五十分鐘先開始第一輪, 我們七人只分到九件, 麵粉皮又

團購推出「上海貴族自助午餐」每位$99+10%, 「夢上海」既是高級會所九龍會屬下餐廳, 心想水準應該有保證, 因而買下coupon一試。 是日為星期日, 食客頗多, 還好地方尚算寬敞,未至於擠迫。由於是半自助餐,部份小菜、點心是即叫即製, 為了節省時間一坐下即點些小菜, 然後才向自助美食區進發。 自助前菜分別有四喜烤麩、蒜香小青瓜、雞絲粉皮、涼拌茄子、蒜醋小木耳、醉雞、油炆笋等，由於是大堆頭製作, 難免有些粗製濫造, 如雞絲粉皮一整碟都是白雪雪的粉皮,上面的青瓜絲和雞絲少得可憐; 醉雞雖然浸入花雕酒也毫不入味。酸辣湯還可以, 用料和味道一般... 接着的自助熱炒有乾煸四季豆、炒冷麪、炒上海年糕、紅燒肉、宮寶雞丁、素雞和麻婆豆腐; 除了炒冷麪和炒上海年糕尚算惹味, 其他都欠缺上海菜應有的濃味, 應辣的不夠辣, 有點失望。還好自選的熱炒和點心這時送到, 我們點了毛豆百葉, 這個菜略嫌淡口; 糖醋魚片、青豆河蝦仁和西芹魚片都不錯, 食材夠新鮮; 乾燒河鰻片的醬汁跟糖醋魚片的沒大分別, 如要二選一我會encore 糖醋魚片, 大大啖魚肉入口較薄薄的鰻片討人喜歡。 自選的點心有小籠

用團購買了4張coupon,一早訂了今日,誰知天公這樣造美,全日落雨之外還是滂沱大雨那種而且我們還要兼顧姨甥女及BB車,想取消但因已是限期到前兩日,所以如期赴約,雖然來回都是坐的士,不過遇到這種天氣,真是有些兒唔方便雖然今日並不是假日,來到每枱差不多已坐滿,我們被安排坐卡位,好在加張BB椅都不成問題,姨甥女起初坐下有些兒扭計,女接待員小姐見狀,說有玩具轉頭拿給她玩,就這樣BB總算定下來一陣,我們開始輪流拿東西食,不過出面的冷熱盤選擇真的並不太多.之前看到好幾篇食評都對此店彈多過讚,不過本著平常心態也不多想,但最後我們一致認為食物質素大多可以接受,當然個別某些食品有待改善.首輪選取出面長卓上的食物,醉雞唔夠酒味~~~片皮鴨肉質稍為硬實而且皮好乾,還有包鴨食的皮媽咪話好難食~~~四喜烤麩是上海地道名菜,可惜此店做法,味道完全失色~~~小木耳,拍青瓜,雞絲粉皮一般般~~~魚香茄子,宮保雞丁,麻婆豆腐,上海炒拉麵,回鍋肉,四季扁豆味道賣相相當唔錯~~~最有驚喜的是酸辣湯,酸辣度適中,材料簡單但入口豐富,難得的是媽咪讚不絕口,我們臨走前都再飲多碗至於用紙點叫的食品,鍋貼皮,餡都乾巴巴~~~蒸銀絲

平日午餐並不多人，服務頗佳，漏單也能立即跟進，環境舒適，食物也不錯，五香牛肉，粉皮，雞，片皮鴨都不斷加添，踢紙的食物以小碟或件數上，不會浪費。如果豆漿能加熱會更好，蝦仁炒蛋或青豆炒蛋還是走蝦較好，以團購價就算很抵，也有不少人是付正價的，以上海菜放題及其偏遠位置，總算有獨特之處。能以生果及甜品作結也是值得我給分呢！

半年前看見團購 「$99+10% 任食上海菜」還要是酒店餐廳, 想也不想便買了coupons... 只怪我貪小便宜上個月訂位打了好幾天電話, 不是沒人聽就是打不通, 極為無奈 終於有人接聽, 卻說:"我們整個6月都滿座了!""我一直想訂座, 是你們沒接電話....""就是因為多人訂位ma!!""那 coupon 6月到期, 怎麼辦= =?" "有效期延至7月底, 不過周末假日全部無位, 只有平日, 訂了不可改期"語氣之"寸"實在令人側目 (其實一百蚊都係錢黎ge...)未食已換來一肚氣酒釀丸子: 桂花煮得太久, 有種不應有的藥水味青豆蝦仁: 青豆和蝦的大小相映成趣 (青豆很大粒) 蝦彈牙但味不足蔥油餅: 環狀造型創意十足, 但不適用於油膩又無蔥油味的餅底紅油抄手: 不過不失 片皮鴨: 鴨皮燒得剛剛好, 而且勝在不停更新, 長吃長有小籠包: 賣相有點乾, 包頂只有約廿摺, 然而皮薄卻不易破, 肉汁鎖於餡中, 可惜水準不太穩定酸辣海鮮羹: 酸辣鹹平衡得剛好熱葷: 無一有過人之處, 簡單平庸桂花杞子糕: 賣相味道皆有水準冷盤有 雞絲粉皮, 小木耳, 拍青瓜, 醉雞餐

同下面個評價一樣!! 首先想忠告各位，千祈吾好幫襯呢間上海菜館，諗都吾好諗。同好多網友一樣，我地同樣買左自助午餐半價優惠券，以 $99 享用原價 $198 0既午餐。加一仲要加多 $10！同屋企人食完，我同男朋友覺得係宮保雞丁同五香牛片可以放得入口之外，其他都真係，唉。仲要成班人就好似係街市咁搶野食，見到都已經覺得，唔通出去同人搶過？　想RELAX d 食個 LUNCH 都難。片皮鴨係放係出面，同埋有d人會一次過自己夾哂成碟返入去食，想試一兩件都冇，俾人搶哂，制度有問題！小籠包唔得，皮厚，肉汁唔香！桂花糕最離譜！　溶到碟底成堆水，又勁易散又太軟！　真正桂花糕，應該係大菜糕咁硬一點。以後唔會再食！

首先想忠告各位，千祈吾好幫襯呢間上海菜館，諗都吾好諗。以下務求可以為大家解釋一下。同好多網友一樣，我地同樣買左自助午餐半價優惠券，以$98享用原價$198 0既午餐。行左去食物枱一轉已經覺得吾對路，食物擺放得極亂，吾少食物盤都空空如也，因為翻添速度奇慢。食物種類一般，但其實你亦吾會過份介懷種類有多少，因為大部分都吾好食，就算多五款少五款都吾係重點．我地形容食物質素係由難食至正常、可以食用。基本上你可以感受到餐館上下職員係幾無心，例如片皮鴨係非常乾，配食用既粉皮亦一樣、小籠包、鍋貼同樣好乾，吾怕食既時候滴汁，另點另叫的所謂小菜類會較好，雖然果個椒鹽排骨並吾係平時食 o既椒鹽排骨，但味道係可以接受，配果個無味既陽春麵都不失為好主意。講到服務都好心傷，我地都吾果類去茶餐廳、超市都希望職員會微笑既客，不過呢度都真係吾合格，上菜非常慢，上左白飯但又遲遲唔上小菜，碗飯都凍埋，收碟亦睇到d人好無禮貌，唔會問你一句野，當然，亦係木口木面的．整體黎講，我真係諗唔到邊樣比較好食，只係覺得一肚氣，情願晒左張coupon算數．

相信好多朋友都是因為那頗抵吃的任點任吃的午市/晚市套餐而來的。試問一間位處市區邊陲又頗隔涉的酒店食肆，如不推出一些這類抵食、以量取勝的semi-buffet，又怎能吸引人前來一試?一行四人訂了座位去嚐嚐她的午市套餐。打了輛的士前往，不斷的兜啊兜才到達，位置真的是難找得可以....習慣上櫈還未坐暖就先看看放在外面餐枱上的陣容。大部份都是一些冷盤小吃，還有冷熱豆漿及粢飯等典型滬式早點。肚子早已餓得咕咕作響，就拿起碟子先拿幾款試試.....拍青瓜味道偏鹹，但總算能"拍"出一點味道來，咬落也是夠爽的；粉皮就又冰又硬得很，可以不理會；醉雞的酒味還可以，雞肉不特別的嚡，皮亦帶爽；烤麩是手切的，入味程度自然差了點...圍繞着圓枱走多了一陣子，發現有片皮鴨吃，拿了幾片吃。皮帶微脆，肉亦不韌。以自助形式來說，算是可接受的品質了...轉而向我最愛的熱鹹漿及粢飯下手。前者豆味濃郁，有點驚訝這兒竟有老式上海小館的水準。若果有埋榨菜粒及蝦皮作伴，那就一流了；相反後者就差勁極了 ---- 糯米層太厚之餘又質感死實實，油條亦是又冷又韌。肉鬆及榨菜份量亦少得要用放大鏡才看得到....窩貼新鮮的煎起，皮有點脆；肉餡還算

團購了夢上海的半自助午餐 $99+ 10%這往也曾惠顧夢上海的午餐和晚餐, 食物水準相當不錯. 故今次團購 6 票,一心和家人星期天大快朵頤. 準時 2:00 到達, 很快已安排入座 6 人枱, 需全場爆滿, 但因座位不算太多, 感覺還算舒服不逼狹. 自助的位置放了冷盤. 熱盤.甜點等..... 醉雞 - 雞滑但唔夠酒味鹵水牛展 - 夠焾，但無味無道梅菜鹵肉 - 又焾又香滑, 咁多個熱盤中最好味乾扁四季豆 - 另一個好味熱盤, 四季豆是用油炸到乾身的, 做法正宗. 四喜烤麩 - 不過不失酸辣湯 - 酸辣適中, 幾好北京填鴨 - 空有其貌, 但味如嚼蠟上海炒年榚, 上海炒拉麵 - 真係唔掂 自助的冷.熱盤需沒驚喜, 但整體還算可以的, 但即點即煮的就太出問題了 煎窩貼 - 皮是淋的肉是暖的, 唔香唔脆, 但最大鑊係肉完全無味小籠包 - 皮算薄, 也有肉汁, 但又係肉完全無味囉紅油炒手, 上海雲吞 - 都係淡而無味。 辣鹽排骨 - 脆香惹味, 是即點即製中我唯一 encore 的. 西芹魚塊 - 魚塊嫩滑糖醋鱔片- 芡汁太濃蔥油餅 - 又厚又硬蔥爆牛肉 - 京蔥香甜, 牛肉淋滑 (

從團購網站以99買了午膳上海放題！食之前有期望；食之後有失望！其實大家訂的日子已經是平日，避開星期六.日，所以亦都算人多！可惜款式實在太少太平凡亦無新奇！自助的食物有涼伴小食：醉雞，粉皮，青瓜等小食，味道平平；熱食亦只有炒年糕，炒麵（不是粗炒）本來期望想食，但冇好失望，仲有炒四季豆，椰菜等;同場亦有豆漿及酸辣湯，酸辣湯真的很差，一碗冇回頭！依自助的還有片皮鴨，我檯就坐在師傅隔離！師傅不是在場片，每片好一隻就拎一碟出去，可惜所有人一窩蜂走晒出去拎！實在很恐怖！一出就冇晒！唔明白點解會咁！剔紙仔的食物包括小籠包，鍋貼，抄手，銀絲卷等，亦有少少小菜！所以都平平無奇！這餐真係好失望！

有3張夢上海coupon ($99一位lunch buffet,未加一),所以相約朋友一齊去試試一去到即刻睇下有咩好食~但眼見食物選擇不多本身在食物木台上的熱食賣相都不吸而且嘗過後亦都覺得不好吃除了片皮鴨外!!片皮鴨一路都係我地期待ge食物之一XD好彩冇令我地失望但係我唔明點解佢用黎包片皮鴨ge皮可以咁遲先出一次lor?!!鴨都refill左5次,佢都唔出一次皮...=-=個個都唯有淨食京蔥,青瓜&片皮鴨點醬lor..十二點幾食到兩點差唔多飽晒ge時候,佢先出一次皮.算!點知出完皮,佢唔出片皮鴨=0=玩晒!!過多15mins至有'''''另外,佢個醉雞都好好食,出乎我意料之外!醉雞肉幾滑, 酒味剛剛好~good!!!自己點的蔥爆牛肉亦不錯,還有炸銀絲卷因為很久沒吃了, 覺得好好食^^雞絲粉皮的雞絲和青瓜絲都被夾光了請留意!!!右上角被一分為二的...竟是蔥油餅?!!!@0@我地望住粒野諗左好耐,乜..我地有叫過咩??終於數到只欠蔥油餅=-=食落都ok ge~但細小得可憐..others:蒜拍青瓜,醬炒河鰻片&糖醋魚片 -- 好吃上海炒年糕 -- 冇味小籠包&窩貼 -- 普通椒鹽骨 --

二月二十七日 (星期日)不經不過,倆口子在OR分享食評已有三年多食評也累積到一定的數目自知文筆有欠通順,詞彙貧乏但仍有人願意收看,真是無限感激幸好我們不怕羞的,只要一日有人看,我們就會繼續寫(因為我們會繼續食)好容易來到第二千篇食評已商討了近一個月,最後選定了上海夢其實一早在OR的團購活動中買了半價Coupon但一直都沒有的起心肝去食看到限期將至,在網上又看到食評頗不錯就襯完成渣打馬拉松後來大吃一餐地點着實是頗僻遠的位於紅堪海旁的海灣軒環境倒是頗舒適的店內裝潢有點暗,很高雅餐廳的中央已放置了很多美食服務員彬彬有禮安排我們入座兩個鐘頭的中式自助餐除即展開自助餐除了自助餐區的食品外,還有依菜單點的除了餐單上任選的食物外每位食客都可額外享用一份套餐,包括漁香藍青口,蟹粉小籠包,亁坤龍躉班片,豆腐羹其中以小籠包和龍躉班片最低讚小籠包皮厚道剛好,蟹粉足,加上湯料足以豬肉鮮嫩最可惜它不是在自助餐的名單內落足本用了真正的龍躉做班片肉質爽嫩而彈牙,唯一可惜是用了較味重的醬料,未有更突出魚的鮮味吃過指定的菜式,是時候'任食'其他的菜餚因選擇實在太多,每一樣都只能淺嘗食品請參閱以下點餐紙食物質素基本都屬中

九龍會的夢上海餐廳，最近推出了極之超値的上海菜半自助餐，非會員也隨時可以去吃。那天我和Eric兩人，原打算到九龍會隨便叫四、五個上海小菜晚膳，誰知發現了這非常豐富的自助餐，各種上海菜點擺滿長桌，琳瑯滿目。單是前菜已經有十多款，包括：青瓜粉皮、醉雞、鹽水鴨、蒜香木耳、五香牛腱、陳醋海蜇、蒜蓉小黃瓜、麻辣牛肚、麻醬辣菠菜和油浸小竹筍。熱葷則有：八寶辣醬、宮保雞丁、麻婆豆腐、冬菇毛豆炒素雞、漁香茄子、干煸四季豆、上海炒年糕、雞火炒飯。還有美味的片皮鴨！除此以外，每位客人都得享四款「豪華美食」：湯水有海鮮酸辣湯和草菇魚肉豆腐羹。還有甜品。看到此處，可能覺得有點飽吧？其實只是個開始呢！以下還有一系列任叫任吃、即點即做的麫點和熱葷：我們只是吃了擺出來的前菜熱葷和片皮鴨，已經飽得很了；另外點了生煎包和小籠包。生煎包內熱哄哄的上湯，幾乎是噴出來的，煮得非常好。南翔小籠包皮薄餡靚，比之前蟹粉小籠包做得更好。另外是大廚華哥私人給我們弄的日本青芥末豉油配冰鎮木耳。冰凍的木耳特別爽口，Wasabi 豉油一陣刺激辣香，味道調得剛好甜中略帶鹹，滋味十足。是時間揭曉價錢了。叫人吃不完、飽得動不了的上海菜自助餐，只是