一盅點心

Open Now

Now Closed

今晚過來長沙灣朋友話帶我去飲茶「一盅點心」餐廳系藍色基調，乾淨舒適，嗌佐普洱茶，茶係茶包唔係碎菜好有味。鮑魚燒賣：新鮮熱辣辣鮑魚咬下去彈牙鮮甜，燒賣都係好大驚喜，鮮蝦燒賣鮮嫩多汁。依家做緊優惠，滿$98就送一籠鮑魚燒賣。黑松露鮮蝦餃：皮薄晶瑩剔透，黑松露點綴，爽滑彈牙加埋黑松露香味，味道正！花膠鮮竹卷：黃色腐皮包住冬菇、豬肉等蔬菜，質感厚實，湯汁清淡鮮香，有小塊花膠。黑椒金錢肚：金錢肚彈牙，黑椒味濃惹味少辣。醬皇蒸鳳爪：份量十足，鳳爪滑嫩加埋醬皇帶些微辣。古法陳皮牛肉球：三粒好大舊，好有彈性，味美色香，食一粒就覺得好飽。價錢公道，味道都唔差，可以再來幫襯。