北京老家 (Closed)

上到3樓，未入門口已從裝潢設計感受到濃濃嘅北京味！佈置格局充滿老北京色彩，古色古香。靚靚餐具枱面下面係金魚缸，可以邊食邊賞魚！炒蒿荀清新香口，油香滲晒入爽脆嘅蒿荀入面，冇食過咁好味咁內藏乾坤嘅炒菜！小籠包熱辣辣，但個外皮比較厚粉，肉亦唔似一般食到嘅味道，比較咸，湯汁好味。糖醋魚塊酸甜度調配得非常好，好開胃，魚塊唔厚粉，唔會好乾，有肉汁，完全冇雪味，係高質鮮魚半隻片皮鴨，配青瓜、蔥、填鴨醬同薄麵皮。片皮鴨肥瘦分佈得宜，烤到好香，入口即融，鴨油由口腔供埋入鼻腔，清新嘅青瓜同蔥就中和返，薄皮乾爽煙韌，填鴨醬進一步帶出濃郁鴨味。不過食第2、3塊時就會覺得個醬稍咸。老家炒年糕。年糕煙煙韌韌好有咬口，配菜足料，少少辣，但唔係麻辣，係惹味嘅香辣。好特別嘅山渣糕，好似啫喱版嘅山楂餅，好足料，所以食1、2舊已好夠。