Video
Read full review
2017-04-14
2146 views
星期日尖沙咀一定係人山人海，想搵個位食下飯都勁難！喂食妹最怕就係同人逼同要等位，好彩男朋友夠醒目搵定地方！Candies foodies其實好近地鐵a出口，係樓上餐廳嚟。環境比較靜啲，岩哂我嚟拍拖撐枱腳呀。裝備好colorful ，而且有好多唔同嘅插畫掛畫，好有特色。原板海膽·龍蝦忌廉汁意式燴飯未嚟之前已經知道有原板海膽配飯！真係成板無花無假咖，非常之抵！海膽味道新鮮嘅，雖然唔係好肥美同鮮甜。但味道夠濃郁，唔會苦澀。另外意式燴飯都出色！飯軟硬適中，汁好香濃。就算唔加海膽單食，都已經夠哂味，帶有淡淡嘅龍蝦香味。將海膽加埋飯一齊食，海膽嘅味道會更加鮮。而且後勁強，兩者非常夾。升級優惠另外加20蚊就可以有埋湯同沙律，好抵食。煙三文魚沙律杯沙律用咗意大利醋同橄欖油調味，味道酸酸地幾開胃。唔好睇沙律杯細細杯，三文魚都好大塊，而且味道唔錯。龍蝦濃湯估唔到有龍蝦湯飲！其實份量好大咖，夠哂兩個人share。湯質地滑身帶小小杰。龍蝦味濃過意大利飯個味。奇遇（荔枝、奇異果、檸檬、7喜）另外加咗個特飲！貌相夠哂靚，係漸變嘅綠色嚟。荔枝味好出，奇異果味就無乜。不過溝埋一齊都唔差，因為甜味適中荔枝比到一種清甜嘅
喂食妹最怕就係同人逼同要等位，好彩男朋友夠醒目搵定地方！
Candies foodies其實好近地鐵a出口，係樓上餐廳嚟。環境比較靜啲，岩哂我嚟拍拖撐枱腳呀。
裝備好colorful ，而且有好多唔同嘅插畫掛畫，好有特色。
原板海膽·龍蝦忌廉汁意式燴飯
未嚟之前已經知道有原板海膽配飯！真係成板無花無假咖，非常之抵！
海膽味道新鮮嘅，雖然唔係好肥美同鮮甜。但味道夠濃郁，唔會苦澀。
另外意式燴飯都出色！飯軟硬適中，汁好香濃。就算唔加海膽單食，都已經夠哂味，帶有淡淡嘅龍蝦香味。
將海膽加埋飯一齊食，海膽嘅味道會更加鮮。而且後勁強，兩者非常夾。
升級優惠
另外加20蚊就可以有埋湯同沙律，好抵食。
煙三文魚沙律杯
沙律用咗意大利醋同橄欖油調味，味道酸酸地幾開胃。唔好睇沙律杯細細杯，三文魚都好大塊，而且味道唔錯。
龍蝦濃湯
估唔到有龍蝦湯飲！其實份量好大咖，夠哂兩個人share。
湯質地滑身帶小小杰。
龍蝦味濃過意大利飯個味。
奇遇（荔枝、奇異果、檸檬、7喜）
另外加咗個特飲！貌相夠哂靚，係漸變嘅綠色嚟。
荔枝味好出，奇異果味就無乜。
不過溝埋一齊都唔差，因為甜味適中
荔枝比到一種清甜嘅感覺，加上有汽七喜，係ok嘅。
食完飯記得夾埋糖先走呀！一人可以免費夾一包咖，有可樂糖呀熊仔糖棉花糖等等。
男朋友帶女朋友嚟，實有驚喜！環境好，食物價錢亦化算。
如果出到嚟尖沙咀呢啲人逼人嘅地方，可以考慮下嚟呢到食個抵食嘅晚餐喔！
Post
