星海．譽宴 (The ONE)

Open Now

Now Closed

近年都會約定朋友食一餐大閘蟹，今年揀咗之前未食過嘅譽宴，算係咁多年來最好的一餐每位$428另收加一，其實同坊間酒樓差唔多價錢，但質素的確唔錯。而且餸菜逐道奉上，除臨尾趕收工就一次過上晒薑茶、炒飯同甜品…但至少比以前去其他地方食大閘蟹餐時，未食完一碟已經上緊下一碟來得好。食物方面，蟹粉小籠包皮薄有湯汁；花雕鮑魚可以唔駛沾芥末，已經非常夠味，鮑魚又唔韌；大閘蟹雖然得一隻（坊間通常3隻）但質素唔錯算多膏；蟹粉翅湯係全餐最出色的一味菜，食到蟹肉碎同翅絲，足料好味；稍嫌失色係乳鴿，外皮太鹹了。此餐另大方地附有一壺400ml花雕酒，配搭話梅一齊飲，相當特別。