蘇媽.蘇媽馬來西亞茶餐室

Open Now

Now Closed

呢間馬來西亞菜一直都好受歡迎，星期六2點排成半個鐘先有位，真係餓死我🤣入面座位都唔算太多，好彩等位時已經諗定食咩，可以直接嗌，嘢食就要等十分鐘左右先到實在太多嘢想食，但今次都係嗌最熱門嘅老鼠粉、玻璃魷魚通菜、檳城福建蝦麵，兩個人食，食到好飽，夜晚都唔使食😆玻璃魷魚通菜真係好正，最鍾意佢個汁，甜甜辣辣咁，食一條菜就蘸好多汁，好想打包佢返屋企撈飯食檳城福建蝦麵材料幾足，都幾新鮮，不過個人覺得普普通通老鼠粉好夠火喉，但味道略嫌太淡，但同行朋友就覺得啱啱好，朋友非常鍾意呢個餸😋食完一出呢個門口，個肚都漲到不得了，嗌咁多嘢食，每人都係一百樓下埋單，真係好抵食，唔怪得咁多人排隊，聽聞佢個咖央多都好正，今次食唔落，下次試吓先！