牛魔 (Closed)

好朋友揾到份好工，今晚同佢慶祝一下，我地決定要燒肉。呢間燒肉都好多人食，好多人推薦。蘋果木煙燻松露和牛將蛋黃和蘋果加入和牛一齊食，和牛入口嫩滑，蛋味濃郁，蘋果香甜有口感。老饕澳洲m5和牛牛板腱輕輕一燒就食得，肉味香濃，口感軟林。櫻花蝦豆腐豆腐炸到外脆內軟，一咬開好滑嘟嘟，加上大量櫻花蝦好香口。香葱薄切牛舌食燒肉必點，牛舌口感爽脆，加上香葱好好味。全天然豚肉五花腩厚切，肥瘦均勻，加埋泡菜，大醬同生菜一齊食，口感豐富。松露和牛炒飯石頭鍋上熱辣辣，有少少飯焦好香口，松露味道香濃。