至尊滿屋日本料理 (Closed)

同朋友係附近睇完戲 由於之前好想食放題 但套戲成三個鐘 只好十點鐘嚟食😂 雖然已經十點 但人流都算多！呢度除左有好多野飲揀 仲有得點特色飲品 我同朋友分別點左紫葵天貝同藍糖白桃 味道雖然唔係話好特別 不過幾好飲 而且仲可以加蘆薈 Q果之類 所以好有咬口👍🏻刺身都好新鮮 而且好少食放題會見到咁大隻蝦😮冇叫太多壽司 因為怕太飽 但佢呢度有d特色壽司 賣相幾好 牛肉壽司好好味😋一口牛都好香口 牛肉燒得幾好咬口 唔會太淋或太硬！次次食放題都要叫芝麻雞翼 今次都冇令我失望 好香好juicy😍燒廣島壕 加埋芝士同各種醬料好惹味👍🏻羊架好入味唔會羶 靖魚燒得香 串燒都好好味 特別係沙爹豬肉串 好香😋最後仲有movenpick tim!!呢度仲有好多甜品揀 不過個時比較夜 所以冇咁full😆仲有sake任斟 岩哂酒鬼🤣總括係選擇多質素頗高嘅放題 滿足😊