大滿喜日本料理 (Closed)

放假真係會令人變得肥騰騰。因為我又要食放題了。今次朋友仔介紹呢間放題，一到門口，真係塞爆人。坐低即刻叫刺身，每款刺身都好新鮮！三文魚好肥美，油脂比例適中。蝦超正，有2款，甜蝦，同另一款好似係牡丹蝦。超大隻，好似手指甘粗，啖啖肉呀😍😍😍油甘魚都好正，而且好厚切！結果，刺身食左3大盤食完一肚生野，要食返d熟食暖下肚！芝麻雞翼味道ok但油左少少，我like燒菠蘿，仲encore左幾次炸蠔又係我最愛呀！一咬開，d汁噴出黎，仲出煙Tim另外仲叫左2個蟹粥，味道鮮甜，真係有條蟹腳係窩入面的。所食既食物眾多，不能盡錄。總之，食完大滿喜，本人大滿足，要捧住個肚走人。