增煇大排檔 & 增煇藝廚

Open Now

Now Closed

麻辣雞腎球($48)，將雞腎切出條紋，辣汁可以滲入，辣汁惹果，佐酒佳品。花枝釀皮蛋（$68），味道其實不錯，但花枝太少太薄，被皮蛋味道搶過，如可加多點墨魚滑，味道更佳。胡椒豬肚湯（$68），足料夠味。脆皮炸大腸（$68），食過好多次，今次比平時差太遠，完全無肥膏，又薄又少，食左兩片，真係覺得好過份，同店員講，佢都同意，補返小小比我地。但都係味道普通，以前係真係長長一條，炸到脆脆的，還有肥膏的香（如菜譜），現在已面目全非。招牌頭抽雞（$288），我不肯定係唔係用頭抽，但我肯肯定係好好食，肉嫩，味香，皮也沒有多餘肥膏，連皮也十分吸引，令人回味。除了豬腸令人失望，其他都合格有餘。