Video
Read full review
2016-01-15
5508 views
到大少生日正日，當然係要同我過，我就兩個月前訂定枱同佢食自助餐，因為我近幾年生日，大少同我去旅行過，佢都洗唔少錢，所以……佢生日，我唔會慳住自己荷包，本來想訂自助山，點知……同事話唔值，又有諗過去洲際，點知……大少話太貴，唔好……最後，我自己決定，唔再問人~~冷盤海鮮選擇比較少，但平時自助餐少見有瀨尿蝦冷盤，雖然我好想食，不過有感太麻煩，無食到~~蝦沙律，味道唔錯，而且擺設賞心悅目，用羹做小碟，好味3款芝士任食，大少食完覺得深黃色比較好食我自己就比較欣賞Parma Ham，今次食唔少，滿足~~同九龍酒店一樣，柏景都有即做意粉，今次我決定試試墨魚麵，不過因為汁料只有蕃茄、白汁、肉醬可以選擇，所以……配出一個唔太Match意粉來XDXD配料當然選擇我最愛 - 海鮮，有鮮蝦肉、青口、帶子、磨菇，汁唔太濃，可以濃味多少少，味道唔太夠，最後需要加鹽調味湯類除有燉湯之外，亦都有一款中湯及一款西湯，今晚燉湯有響螺花膠燉豬肉，大少覺得九龍酒店燉湯比較好，不過我自己鍾意柏景多少少另外中湯大少覺得太淡口，而西湯當然由我試，今晚有南瓜忌廉湯，濃杰適中，可惜無一般南瓜忌廉湯香甜味道雪糕有大少最愛 - Move
冷盤海鮮選擇比較少，但平時自助餐少見有瀨尿蝦冷盤，雖然我好想食，不過有感太麻煩，無食到~~
蝦沙律，味道唔錯，而且擺設賞心悅目，用羹做小碟，好味
3款芝士任食，大少食完覺得深黃色比較好食
我自己就比較欣賞Parma Ham，今次食唔少，滿足~~
同九龍酒店一樣，柏景都有即做意粉，今次我決定試試墨魚麵，不過因為汁料只有蕃茄、白汁、肉醬可以選擇，所以……配出一個唔太Match意粉來XDXD配料當然選擇我最愛 - 海鮮，有鮮蝦肉、青口、帶子、磨菇，汁唔太濃，可以濃味多少少，味道唔太夠，最後需要加鹽調味
湯類除有燉湯之外，亦都有一款中湯及一款西湯，今晚燉湯有響螺花膠燉豬肉，大少覺得九龍酒店燉湯比較好，不過我自己鍾意柏景多少少另外中湯大少覺得太淡口，而西湯當然由我試，今晚有南瓜忌廉湯，濃杰適中，可惜無一般南瓜忌廉湯香甜味道
雪糕有大少最愛 - Movenpick，大少足足食3盒細，加兩球其他味道，其中一球係炸雪糕，當然，雪糕味道無得選擇，只有雲呢拿~~
甜品吧有多款甜品選擇，今次我試比較特別一款 - 阿華田奶凍，阿華田味雖然唔太夠，不過絕對值得一試~另外芒果有甸非常特別，因為好少食芒果布甸內有西米，我比較鍾意呢款
Other Info. :
其實重有其他串燒可以即燒即食，不過因為廚房員工少，所以每個位置都無人，要食就要企一陣先有職員幫手
另外，訂位前，問過職員有冇信用卡優惠，職員答我無……所以我本身想儲Asia Miles，但係，入座之後，我問經理係唔係可以儲Asia Miles，佢答係，但係如果有信用卡優惠就唔可以儲，我答佢，之前職員話無任何信用卡優惠，點知，原來好多信用卡都有8折~
(The above review is the personal opinion of a user which does not represent OpenRice's point of view.)
Post
