囍越 (Tuen Mun Town Plaza) (Closed)

平時見呢間都幾多人食，一於試下先。叫左個牛筋腩河$62，同炸蝦餅試下，$68，4件。嘩，一見到碗粉，真係好大碗呀。，仲好多料添！牛腩係一大片厚切，牛筋好淋，好味，都有成4大舊筋架。蘿蔔都係大大舊，3舊，雖然唔係糖心，唔係話特別淋，但起碼冇渣先。至於個蝦餅，雖然係好脆口，即炸，仲好大舊。但係食落冇蝦味，仲要個質感淋到一個點，唔講唔知自己食緊蝦餅添。呢間味道都唔錯，仲要大大件，上菜又快，下次可以再黎試多次。