越萊 (福榮街)

Open Now

Now Closed

中秋節喺玩具街買完燈籠去搵食，食過呢間越南粉麵餐廳覺得都唔錯😋首先我叫咗一碗照燒雞扒豬頸肉撈檬，好大碗、好多餸呀🤩 照燒雞扒食落好嫩滑，一啲都唔肥又唔油。豬頸肉肉質好好，完全無肥膏，微烤過味道唔錯。微酸越式撈檬汁加埋配菜，好好食呀😋另外我仲叫咗一碟潘良帶子明蝦伴茄子。茄子質地柔軟，加埋微燒嘅帶子同充滿蒜蓉嘅鮮蝦，好好味，係好特別嘅組合🍆🍤健康之選我就揀咗碟香甜菜心苗，面頭舖滿芝麻，配有微甜嘅豉油🥬最後嘅大驚喜係椰汁紅豆冰雪山，佢由豐富嘅椰汁冰沙、紅豆同綿密嘅紅豆冰山組成。從來未見過咁大杯咁高嘅椰汁紅豆冰雪山🫘 🍧🏔️ 跟餐加$24，真係物有所值，呢道甜點既可口又解渴，係消暑嘅絕佳選擇👍🏻