43
16
1
Level4
2020-10-24 2064 views
💐豬妹的大日子即將來臨,熊妹一早攞咗假同貓妹,賓佬去到大坑的《2nd Draft》食個生日飯慶祝一番。🎉📌《2nd Draft》係一間主打手工啤酒的中西混合菜餐廳,手工啤酒🍺有好多款,有清新爽口味、重麥味、重啤酒花香味等等,花多眼亂揀唔到?店員話仲可以試味添。📌食物款式都唔少有前菜🧆、小食🥡、主菜🍖、意粉🍝同三文治🥪,主打的係中式同西式嘅混合,所以每款菜式都比較獨特,係非傳統嘅烹調方法。手工啤酒(中),$67貓妹揀的係Si L Dan,熊妹就揀左KUPZZY,都係重花味嘅手工啤酒🍻,花果味幾重,好易入口,少咗啤酒嘅苦澀味,很不錯喔!大坑薯條,$78📌賓佬一早嚟到,點左個大坑薯條咬住先。呢款大坑薯條🍟係幼身嘅,炸得好脆口,又有冧身的,成碟薯條都鋪滿孜然粉🧂,味道好特別好可口,比起普通就咁灑上鹽粉再點茄汁嘅傳統薯條係別有一番風味,係要入到黎大坑先有得食,被冠上「大坑薯條」的稱號真係實至名歸,唔錯!炸雞塊,$128📌熊妹想點多款小食,見到呢個炸雞塊係配上南乳醬,感覺好似好吸引。嘩!一份都有7、8件,雞塊🐥炸得金黃酥脆,外皮炸粉好少,內裏嘅雞肉好嫩滑,完全鎖住肉汁同油脂,一啖咬落去又唔會覺得好
Read full review
35 views
0 likes
0 comments
💐豬妹的大日子即將來臨,熊妹一早攞咗假同貓妹,賓佬去到大坑的《2nd Draft》食個生日飯慶祝一番。🎉
701 views
0 likes
0 comments
804 views
0 likes
0 comments
📌《2nd Draft》係一間主打手工啤酒的中西混合菜餐廳,手工啤酒🍺有好多款,有清新爽口味、重麥味、重啤酒花香味等等,花多眼亂揀唔到?店員話仲可以試味添。

631 views
0 likes
0 comments
552 views
0 likes
0 comments
📌食物款式都唔少有前菜🧆、小食🥡、主菜🍖、意粉🍝同三文治🥪,主打的係中式同西式嘅混合,所以每款菜式都比較獨特,係非傳統嘅烹調方法。

手工啤酒
$67
136 views
0 likes
0 comments
手工啤酒(中),$67
貓妹揀的係Si L Dan,熊妹就揀左KUPZZY,都係重花味嘅手工啤酒🍻,花果味幾重,好易入口,少咗啤酒嘅苦澀味,很不錯喔!

大坑薯條
$78
29 views
0 likes
0 comments
大坑薯條,$78
📌賓佬一早嚟到,點左個大坑薯條咬住先。

呢款大坑薯條🍟係幼身嘅,炸得好脆口,又有冧身的,成碟薯條都鋪滿孜然粉🧂,味道好特別好可口,比起普通就咁灑上鹽粉再點茄汁嘅傳統薯條係別有一番風味,係要入到黎大坑先有得食,被冠上「大坑薯條」的稱號真係實至名歸,唔錯!

炸雞塊
$128
60 views
0 likes
0 comments
炸雞塊,$128
📌熊妹想點多款小食,見到呢個炸雞塊係配上南乳醬,感覺好似好吸引。

嘩!一份都有7、8件,雞塊🐥炸得金黃酥脆,外皮炸粉好少,內裏嘅雞肉好嫩滑,完全鎖住肉汁同油脂,一啖咬落去又唔會覺得好油膩。

點上南乳醬,令到西式嘅雞塊有中式嘅味道,非常特別。

賽螃蟹麵
$298
80 views
0 likes
0 comments
賽螃蟹麵,$298
📌小心!有一隻花蟹🦀盯着你看!

用上上海粗麵,再撈上牛油醬同蛋黃同一堆手拆花蟹肉絲,仲淋上少少黑醋,係以中式嘅粗麵用西式嘅方法烹調,呢款又中又西嘅食法係好特別,不過熊妹唔太懂得欣賞,因為上海粗麵用撈汁嘅方法嚟食感覺有點奇怪,始終唔係意粉嗰種有咬口的質感就會超出左對食物嘅預期,做中西混合菜其實要比較小心,味道同口感唔夾嘅話就會出事。

封門柳
$248
37 views
0 likes
0 comments
封門柳,$248
呢款美國牛柳真係不得了
,外皮煎到脆脆嘅,內裡牛肉3成半生熟,超級粉嫩軟腍,帶點點血水,就咁食已經好有牛味🐮,旁邊的酸椰菜又可以清新一下口腔味蕾,三爬兩夾,好快就清光了成碟牛。

腐乳卡邦尼
$138
31 views
0 likes
0 comments
腐乳卡邦尼,$138
又一新穎的中西混合菜,中式嘅腐乳醬代替原本嘅芝士忌廉汁,配合西式的卡邦尼意粉做法,保留着西式卡邦尼嘅溫泉蛋🥚、煙肉粒🥓同洋蔥粒🧅,腐乳醬味道唔算太濃,同意粉配料都好夾,所以呢款混合菜係成功嘅!👏🏻
68 views
0 likes
0 comments
📌總括黎講,係一間環境氣氛都好輕鬆的餐廳,有酒,有小食,有空間,係值得放工放假來chill下休閒一下的地方。

📌最後,豬妹,生日快樂🎊!
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2020-10-17
Dining Method
Dine In
Spending Per Head
$475 (Dinner)
Celebration
Birthday
Recommended Dishes
手工啤酒
$ 67
大坑薯條
$ 78
炸雞塊
$ 128
封門柳
$ 248
腐乳卡邦尼
$ 138