Read full review
2021-09-29
721 views
同老公一齊左就快七年，發覺原來咁多年黎都未試過一齊鋸扒😅因爲我地兩個本身都偏愛中菜。難得本來唔多食牛肉既我，今日突然好想大大啖食牛肉，所以放工就去左呢間舊式港味扒房嘆返個鐵板餐。原來打算食其他貴少少既西餐廳，但咁random食一餐又廢事破費。見到OpenRice呢度個紅湯咁足料，牛扒好評又多，雖然餐廳似花園扒王咁麻甩左少少，但平有平食，都應該絕對夠我過下口癮既！於是二話不說，放工就過左來。大概七點左右到(平日)，餐廳一半滿座，唔洗等位。餐廳格局似茶記，有卡位。裝修雖然舊，但都算打掃得乾淨，屬可接受範圍。餐牌: 第一次食，就梗係食返招牌鐵板餐。本身諗住揀大過塊面既T骨，但竟然賣哂🙁所以最後都係揀左一份牛仔骨同一份牛柳，兩個餐都配黑椒汁。前菜: 羅宋湯加餐包餐包唔多講，都係standard 野，大x樂同款。不過餐包上既時候係微熱既。羅宋湯就真係如其他食評所說一樣咁足料！好多椰菜同蕃茄，入邊仲有起碼四舊牛肉。雖然牛肉唔係好嫩，不過我覺得有肉已經算係好足料，對於保湯既肉我要求唔高，食唔食都冇所謂。而湯嘅蕃茄味就真係好濃。雖然飲得出係茄汁同茄膏嘅味，不過其實羅宋湯個做法就係咁，唔通真係搵一噸蕃茄
原來打算食其他貴少少既西餐廳，但咁random食一餐又廢事破費。見到OpenRice呢度個紅湯咁足料，牛扒好評又多，雖然餐廳似花園扒王咁麻甩左少少，但平有平食，都應該絕對夠我過下口癮既！
於是二話不說，放工就過左來。大概七點左右到(平日)，餐廳一半滿座，唔洗等位。餐廳格局似茶記，有卡位。裝修雖然舊，但都算打掃得乾淨，屬可接受範圍。
餐牌: 第一次食，就梗係食返招牌鐵板餐。本身諗住揀大過塊面既T骨，但竟然賣哂🙁所以最後都係揀左一份牛仔骨同一份牛柳，兩個餐都配黑椒汁。
前菜: 羅宋湯加餐包
餐包唔多講，都係standard 野，大x樂同款。不過餐包上既時候係微熱既。羅宋湯就真係如其他食評所說一樣咁足料！好多椰菜同蕃茄，入邊仲有起碼四舊牛肉。雖然牛肉唔係好嫩，不過我覺得有肉已經算係好足料，對於保湯既肉我要求唔高，食唔食都冇所謂。而湯嘅蕃茄味就真係好濃。雖然飲得出係茄汁同茄膏嘅味，不過其實羅宋湯個做法就係咁，唔通真係搵一噸蕃茄煲個湯俾你飲咩😂所以整體來講個湯真係做得幾出色，而且唔會太酸，好開胃。
羅宋湯
32 views
0 likes
0 comments
主菜: 牛仔骨鐵板餐 & 牛柳鐵板餐
食之前我真係有認真做過research🤣因爲唔食得生野既關係，所以研究左一陣牛既唔同部位邊個位全熟唔會”鞋”。結論係t骨同牛仔骨既脂肪比例最高，所以well done加上鐵板既熱力都應該唔怕老。最後我係叫左全熟牛仔骨，之後老公就叫左7成熟既牛柳。
叫完牛仔骨之後真係覺得呢個選擇係超正確😆😆因爲我真係好中意牛肉既脂肪味。牛仔骨總共有三大塊，每塊都有兩到三舊骨，而且最底仲有一塊係全肉!!!!就算全熟都唔韌，配埋黑椒汁真係好好食。雖然唔係咩精緻既料理，但真係滿足到我大啖食肉既慾望！有時真係呢啲平民既美食先可以簡單同粗暴咁satisfy到肚餓既我🤣唔洗下下好似食高級西餐就住就住咁食！
另外牛柳其實我都試左一啖，其實真係幾淋，但脂肪味就唔重(肉質本身脂肪比例低)。不過叫七成熟，就算係有鐵板加熱既情況下，其實去到最入面都幾raw下，接受唔到既人不如叫全熟算🤣
另外配菜真係比較少，薯條唔脆，但薯條加黑椒汁🥲🥲散發住濃濃既脂肪味道，係好食，但我都唔敢多食🤣所以佢得咁少係好事黎。
牛仔骨鐵板餐
36 views
0 likes
0 comments
牛柳鐵板餐
43 views
0 likes
0 comments
飲品: 叫左紅豆冰同凍蔘蜜，紅豆冰椰奶好多，蔘蜜就好甜🥲🥲不過不失
紅豆冰 凍蔘蜜
23 views
0 likes
0 comments
甜品: 2揀1, 青檸啫喱加花奶 or 雪米糍
雪米糍係雲呢嗱味，冇特別。而青檸味啫喱就有啲梗，入面仲好似有啲菠蘿肉。加花奶個口味有啲特別，未必人人食得慣😂反正佢唔係主角又係跟餐送既，試下味就算🤣
花奶青檸啫喱 雪米糍
16 views
0 likes
0 comments
總括黎講，港式平價扒房，得閒食下過下癮都唔錯，湯同主菜同價錢完全成正比~甜品飲品就將就下啦🤣🤣呢度真係岩哂啲食肉獸想平平地大啖食肉，好過去連鎖快餐店😜
Price: Dinner($280/ 2pax.)
Post
