大和堂咖啡店

Open Now

Now Closed

早前去過大和堂，朋友話，有賣點有Gimmick 的餐廳，通常會被食客視為呃Like 打咭「景點」，上次淺嘗，今次經過做嘢再試真D🤣。發現，呢間既有古蹟文化特色，又堅有文青韻味的咖啡店，正好展示了乜嘢叫做「魚與熊掌同時獲得」🤗不過美中不足，係要自己出去cashier counter 落order（不過冇收加一，fair 嘅。）九龍城年青潮媽介紹我叫了幾款有創意嘅Fusion 小食，有「雞蛋仔與雞」，我覺得雞蛋仔可以再脆返D, 但雞肉用薑汁及楓糖炸得啱啱好，肉嫩又Juicy, 😋😋😋。之後又叫了一杯大和堂咖啡，型男咖啡師講，係響杯咖啡度落咗少少honey 同earl grey tea, 層次感豐富，濃香得宜。當然一場嚟到，不能不試試廣泛報導的特色甜品紅棗cheese cake 喇。嘩，真係食到好似@周遊日本嘅周奕偉，好食到講唔到嘢。😎唔太甜，紅棗同cheese 味blend 得好，加埋crunchy 餅底。近乎完美，不過份量少咗D。大件D就好了😋百零蚊，歎咗粒幾鐘，都ok 抵嘅⋯