南記海鮮飯店

Open Now

Now Closed

外地回港的朋友臨離開香港時請我們去三聖村的南記海食鮮店，她們盛讚燒鵝做得好好，且要提前預留，walk in客有機會向隅。咁誇張、一於去試試先。6人先行去海鮮街，買左約$1400(有瀨尿蝦、奄仔蟹、幾斤重斑，價錢算可以)食材。拿去南記加工，連半隻鵝、一碟菜、一碟飯，一千蚊有收算好實惠。坐店内、空調足、一點不覺自己在光顧冬菇亭食肆，冷氣夠，裝潢如一般的小菜館。味道方面算不過不失，燒鵝皮脆肉嫩，味調得不錯，不太咸，做招牌菜都頗適合。至於海鮮加工方面避風塘龍蝦及鹽焗蟹做得頗到家，味道、火工掌握得不錯，其他就只是不過不失。:獨獨碟油鹽水北寄貝同蝴蝶蚌就差些許，唔夠味及過了火，肉韌了點，可惜。