酒鍋 (V Point) (Closed)

新年同朋友食好啲！上到嚟有驚喜，超級豪華景觀，落地玻璃，景色冇得彈！座位寛敞，有播住音樂，氣氛好好！食物方面，叫咗一個侍應推介嘅走火入鍋、即劏海鮮、黑毛豬等等😎之後就黎火鍋，好特別，分別有五個鍋，有五種湯、蕃茄龍蝦湯、清湯牛腩湯、沙嗲湯，最後中間仲有個木瓜湯。侍應初頭點左啲火酒，中間個鍋著火之後就放左啲冰粒入去，煙霧彌漫，成個數show咁！🤣好睇之餘湯底味道都好好，每個湯底都好濃郁，真材實料！👍🏻👍🏻黑毛豬豚腩肉，味道好香濃豬肉味，好新鮮，必食！加拿大桶蠔、同埋扇貝好大隻好新鮮，彈牙同甜味同冰鮮冇得比！蜂巢豆腐，啱晒吸晒啲火鍋湯汁精華！蔬菜拼盤，好特別，有唔同顏色嘅椰菜花，好靚、好爽甜粟米、圓形番茄同油麥菜，夠fresh夠清甜，好健康！