Video
Read full review
2016-12-21
4258 views
海鮮食得多，朋友提議到正宗水上人，開頭都係抱住一試無妨嘅心態。 菜單都算豐富，有唔同套餐揀，亦可散叫海鮮，肉類及配料。朋友叫了每位約四百元的套餐。海鮮好快送到，有專人放入蒸氣鍋煮，再分到每人嘅碟上，全程飯來張口實在太好。 鑽石蜆同花蛤皇每一隻都好好肉地，爽口彈牙。一大鍋每人都有5-6隻。 雪花蚌配以芝士醬同金菇，味道好夾，口感豐富。 波士頓龍蝦可能係全晚嘅高潮 :-P 一來上鍋已經好震撼，仲要好大隻好多肉！奄仔蟹都好岀色，鮮味十足。 怪味禾豚肉嘅味道其實一啲都唔怪，個醬甜甜地幾特別。啲肉略嫌有點韌，都係海鮮比較岀色 :-P來到我最中意嘅帶子，肉質好嫩滑，唔韌。好少食黑松露醬配帶子，不過個醬好濃而且岀奇地匹配。底下仲有粉絲，索晒啲精華！ 另外散叫左個雪花肥牛粒，好juicy好稔，火侯恰到好處。 壓軸岀場就係一直藏在鍋底嘅粥！可能一開始我無睇住侍應放入去，所以最後揭盅嘅時候好驚喜。呢個南瓜豬骨粥吸收晒所有海鮮同肉類嘅汁，非常入味，已且煲嘅時間啱啱好所以好綿。 順帶一提，舖頭仲有樓上，地方算寬敞，企理。坐得舒服又唔算太嘈。食物水準不錯，每人四百蚊左右來講非常合理，有機會會再來試下其他更豐富嘅
菜單都算豐富，有唔同套餐揀，亦可散叫海鮮，肉類及配料。朋友叫了每位約四百元的套餐。海鮮好快送到，有專人放入蒸氣鍋煮，再分到每人嘅碟上，全程飯來張口實在太好。
鑽石蜆同花蛤皇每一隻都好好肉地，爽口彈牙。一大鍋每人都有5-6隻。雪花蚌配以芝士醬同金菇，味道好夾，口感豐富。
波士頓龍蝦可能係全晚嘅高潮 :-P 一來上鍋已經好震撼，仲要好大隻好多肉！
奄仔蟹都好岀色，鮮味十足。
怪味禾豚肉嘅味道其實一啲都唔怪，個醬甜甜地幾特別。啲肉略嫌有點韌，都係海鮮比較岀色 :-P
來到我最中意嘅帶子，肉質好嫩滑，唔韌。好少食黑松露醬配帶子，不過個醬好濃而且岀奇地匹配。底下仲有粉絲，索晒啲精華！
另外散叫左個雪花肥牛粒，好juicy好稔，火侯恰到好處。
壓軸岀場就係一直藏在鍋底嘅粥！可能一開始我無睇住侍應放入去，所以最後揭盅嘅時候好驚喜。呢個南瓜豬骨粥吸收晒所有海鮮同肉類嘅汁，非常入味，已且煲嘅時間啱啱好所以好綿。
順帶一提，舖頭仲有樓上，地方算寬敞，企理。坐得舒服又唔算太嘈。食物水準不錯，每人四百蚊左右來講非常合理，有機會會再來試下其他更豐富嘅套餐。
Post
