家賀屋刺身寿司專門店

最近發掘到灣仔一間CP值高嘅居酒屋，佢就系「家賀屋刺身壽司專門店」，佢哋嘅刺身、壽司超高質，連唔好魚生嘅二家姐都食唔停口！另外，寫字畫碟甜品，雖然必須額外Order甜品才能畫碟，但畫功超精緻，全人手刻畫，好有心思，啱曬大家大時大節嚟依度一路食好西、一路有靚靚甜品打卡。最後提提大家，適逢15週年，餐廳推出不少半價優惠，重點推介半價啤酒、半價北海道白象拔蚌，真系超抵！*此餐廳收取加一服務費。師傅特選壽司8貫（單點$368），即開日本活赤貝刺身，肉質厚身，口感爽脆，食落好新鮮；北海道牡丹蝦壽司，蝦肉肉質爽口，配以蟹膏食用，食落雙重鮮味；海鹽輕燒大本鮪魚腩壽司，經過炙燒之後，肉質半生熟；海鹽輕燒煙薰醬油漬左口魚邊壽司，配以煙薰醬油食用，味道咸香；海膽壽司，海膽份量多，口感Creamy，味道不腥；深海池魚壽司，配以日本楓葉辣蘿蔔泥、香蔥食用，味道清爽；日本油甘魚壽司，肉質粉嫩，味道鮮甜；劍魚腩壽司，表面鋪有黑魚子醬，食落油脂味濃。磯煮小鮑魚刺身（單點$108），口感彈牙，食落好入味，味道咸甜。特大帆立貝刺身（單點$75），肉質厚嫩，食落帶點青檸清香的味道。牛油果軟殼蟹卷（單點$88），表面鋪滿蟹