鍋処雪舟 (Closed)

今日同女朋友去食午餐，銅鑼灣有間樓上日本餐廳，環境好大好靚。女朋友好鐘意！佢叫左個丼飯，我就叫左個壽司拼盤。吧枱好大環境相當舒服。前菜好有心思，南瓜蓉加左果仁和提子乾，好香口好開胃，仲有關東煮和蘑菇粒。關東煮有魚腐、獅子狗和芋絲，味道咸香入味！壽司拼盤上枱好霸氣，長長壽司碟夠吸引，魚生好新鮮！中拖羅、大拖羅、金目鯛、深海池魚、牡丹蝦、三文魚、海膽、三文魚籽⋯⋯⋯款款都好鮮甜！魚生和飯比例剛剛好。甜品有奶凍，奶香好濃好滑溜。