Video
Read full review
2017-12-10
235 views
係同事介紹下知道星期六, 日好多高級鐵板燒店都有提供價錢比晚市平好多嘅Lunch Set, 而且質素同晚市分別唔大。之前同老婆食過一次之後, 老婆一試愛上。呢個週末我地訂左呢間係銅鑼灣利園附近嘅鐵板燒雪舟, 我地係Openrice見評語都唔錯, 而且Lunch Set嘅內客亦非常吸引。😍我地訂左12:00枱, 到餐廳時剛剛開店, 我地係第一組客人, 鐵板燒雪舟係開平道嘅Cubus, 餐廳裝修都幾高格調, 自然光亦十分充足, 環境好舒適。😄Lunch Set款式都有好多, 除左鐵板燒之外, 仲有其他日式料理午餐, 店員好熱心咁介紹餐廳嘅食物, 我最後揀左一客商務午膳, 唔食牛嘅老婆就點左雪舟鐵板燒午餐分開食, 一人一份唔駛爭。😝商務午膳有刺身, 鴨肝, 鮑魚同燒牛西冷, 全部都係我鍾意嘅食物, 想唔到連前菜都咁啱我口味, 今日前菜係牛肉沙律同炸大蝦, 呢個前菜已經好惹味, 令我對之後嘅食物更加期待。😙刺身有蝦同鰹魚, 蝦刺身好彈牙鮮甜, 鰹魚表層輕輕烤香, 鰹魚肉味濃郁, 配蒜片食鮮味更突出。👍茶碗蒸係師傅用鐵板燒不斷加冰粒控制熱力同濕度蒸製的, 材料雖然簡單, 不過蛋蒸得好香滑, 而且
我地訂左12:00枱, 到餐廳時剛剛開店, 我地係第一組客人, 鐵板燒雪舟係開平道嘅Cubus, 餐廳裝修都幾高格調, 自然光亦十分充足, 環境好舒適。😄
Lunch Set款式都有好多, 除左鐵板燒之外, 仲有其他日式料理午餐, 店員好熱心咁介紹餐廳嘅食物, 我最後揀左一客商務午膳, 唔食牛嘅老婆就點左雪舟鐵板燒午餐分開食, 一人一份唔駛爭。😝
商務午膳有刺身, 鴨肝, 鮑魚同燒牛西冷, 全部都係我鍾意嘅食物, 想唔到連前菜都咁啱我口味, 今日前菜係牛肉沙律同炸大蝦, 呢個前菜已經好惹味, 令我對之後嘅食物更加期待。😙
刺身有蝦同鰹魚, 蝦刺身好彈牙鮮甜, 鰹魚表層輕輕烤香, 鰹魚肉味濃郁, 配蒜片食鮮味更突出。👍
茶碗蒸係師傅用鐵板燒不斷加冰粒控制熱力同濕度蒸製的, 材料雖然簡單, 不過蛋蒸得好香滑, 而且唔會太咸, 味道剛剛好。😋
食緊茶碗蒸時, 我地已經聞到煎鴨肝嘅香氣, 鴨肝油脂飽滿, 師傅邊迫鴨肝油出來再用鴨肝油煎香, 煎至金黃色嘅鴨肝配自家製黑醋汁同菠蘿食, 油香豐富之餘都唔覺膩, 入口即溶, 外脆內軟, 戒緊口嘅老婆都忍唔到口食左我一件。🙈
午餐嘅130g南非產鮑魚超新鮮, 鐵板燒之前仲郁得好厲害, 鐵板燒鮑魚我都係第一次食, 南非鮑魚好軟腍而且富有彈性, 師傅只加了少量鹽同胡椒煮已經非常美味。😋
商務午膳嘅鐵板燒牛肉有三款選擇, 我揀左美國牛西冷薄燒, 西冷薄燒每片都好大片, 油脂分佈均勻, 師傅只需輕輕煎香再卷上配料就已經好美味。😍
蒜蓉炒飯都係用鐵板炒的, 最特別係師傅會將一部份壓扁煎脆, 飯粒蒜味濃, 配上咸菜同脆飯粒, 非常惹味可口。👍
食埋炒野菜, 漬物同味噌湯, 呢餐非常滿足。最後個甜品係冰條焦糖布甸, 口感好特別, 有少少似急凍左嘅千層蛋糕, 甜度剛剛好。最後飲埋杯凍咖啡, 呢個餐如果晚市食起碼要$1000, Lunch黎食相當超值。 另外, 仲有飛驒直送嘅小禮物可以帶返屋企, 呢餐真係無可挑剔。😍
Post
