Video
Read full review
2023-10-16
719 views
識我嘅人都知我嘅血係由酒造成 😂😂一見到門口個酒字，衝入去實無死！🍶🎏🎌早前bookmark咗呢間型格現代居酒屋，餐廳主打高質日式串燒，裝潢型格有個性，以時尚嘅餐桌配搭具日本風味的木門及竹簾，帶出現代居酒屋及日本文化，亦為店內增添不少打卡元素，食飯＋打卡一流！🇯🇵🍶🍶酒： 侍應推介左我飲降雨大吟釀辛口之餘，唔會好甜，襯濃味嘅串燒啱啱好前菜：🦀蟹膏豆腐 - 蟹膏新鮮，豆腐夠滑🍣三文魚南蠻漬（secret menu) - 職員同我講係期間限定所以Menu冇嘅。呢個三文魚係用洋蔥汁熟成，喺出面好少見，洋蔥汁同三文魚嘅鮮甜好夾，如果大家見到一定要點，好特別！🥬胡麻菠菜蟹肉沙律- 入邊加咗腐皮，為成個沙律增添左甜味，配搭好新鮮，值得一試！串燒：🐓雞心- 最緊要係燒得唔硬，火候啱啱好！⭐️雞皮紫蘇蝦卷- 雖然係食緊雞皮，但係配上紫蘇葉，即刻令雞皮嘅香提鮮，配埋蝦滑嘅嫩滑，一啲都唔膩，而且雞皮同蝦滑都好彈牙，組合十分新鮮，創意度方面我比滿分💯⭐️自家製免治雞肉軟骨- 去居酒屋點可以唔叫免治雞肉串呢？免治雞肉串，除咗食雞肉串嘅餡料，最重要係蛋！呢度用嘅但都係要日本嚟，好新鮮之餘，蛋香超濃郁，同雞肉串夾埋好
一見到門口個酒字，衝入去實無死！🍶🎏🎌
早前bookmark咗呢間型格現代居酒屋，
餐廳主打高質日式串燒，裝潢型格有個性，以時尚嘅餐桌配搭具日本風味的木門及竹簾，帶出現代居酒屋及日本文化，亦為店內增添不少打卡元素，食飯＋打卡一流！
🇯🇵🍶🍶酒：
侍應推介左我飲降雨大吟釀
辛口之餘，唔會好甜，襯濃味嘅串燒啱啱好
前菜：
🦀蟹膏豆腐 - 蟹膏新鮮，豆腐夠滑
🍣三文魚南蠻漬（secret menu) - 職員同我講係期間限定所以Menu冇嘅。呢個三文魚係用洋蔥汁熟成，喺出面好少見，洋蔥汁同三文魚嘅鮮甜好夾，如果大家見到一定要點，好特別！
🥬胡麻菠菜蟹肉沙律- 入邊加咗腐皮，為成個沙律增添左甜味，配搭好新鮮，值得一試！
串燒：
🐓雞心- 最緊要係燒得唔硬，火候啱啱好！
⭐️雞皮紫蘇蝦卷- 雖然係食緊雞皮，但係配上紫蘇葉，即刻令雞皮嘅香提鮮，配埋蝦滑嘅嫩滑，一啲都唔膩，而且雞皮同蝦滑都好彈牙，組合十分新鮮，創意度方面我比滿分💯
⭐️自家製免治雞肉軟骨- 去居酒屋點可以唔叫免治雞肉串呢？免治雞肉串，除咗食雞肉串嘅餡料，最重要係蛋！呢度用嘅但都係要日本嚟，好新鮮之餘，蛋香超濃郁，同雞肉串夾埋好想嗌一碗飯！
⭐️厚切牛脷- 我去食串燒，基本上係必食牛脷，呢度嘅牛脷真係好厚，最勁係佢一啲都唔韌，而且好腍，十分推介大家去食！
⭐️大漠燒羊皮- 羊腩煲嘅羊皮就食得多，但係串燒嘅羊皮真係好少食，聽落好似好肥，但係羊皮加上七味粉，燒出嚟好香真係好難抗拒
🥦蔬菜串燒拼盤 （燒翠玉瓜、燒粟米、燒秋葵）
燒粟米係必食，啲粟米好甜！
燒海鮮
🦪燒馬刀背（聖旨）- 新鮮
⭐️燒南非鮑魚- 新鮮，食鮑魚，最緊要食佢煙靭度，呢度燒嘅南非鮑魚燒得好彈牙，一啲都唔韌，好想再叫多一隻！
⭐️海膽松葉蟹蓋甲羅燒- 香濃嘅海膽同埋蟹膏，經過燒烤之後，十分之濃郁新鮮，再配上海苔脆餅，軟林林嘅海膽蟹膏加上脆餅，口感有層次，脆餅令蟹膏，鹹味減低，整體感覺10分balance！
甜品🍧
有好多款新鮮水果雪芭可以選擇🍍
老實講，我都有選擇困難症
最後，喺椰子🥥、桃🍑同菠蘿🍍雪芭之中，我揀咗菠蘿雪芭🍍，鮮果雪芭真係好Refreshing ，強烈建議大家食完咁多油膩嘅串燒，食返個雪芭解膩！
聽講呢度平日係full House，大家記得去之前要book位呀!
Post
