第三站

旺角有眾多樓上Café，想搵間坐得舒服、食物高質、地點又方便既Café，今日就黎到網上大獲好評既第三站 Station 3 Café～🔹田園沙律套餐包咗一份沙律同埋甜品，沙律菜新鮮得黎幾爽口，醬汁酸甜開胃，迷你份量做前菜岩哂。🔹墨西哥雞翼墨西哥雞翼嘅醬汁係用咗辣椒茄醬等製作，酸酸甜甜非常有風味，辣味唔會太重，微辣得夠過癮，雞翼都算大隻同多肉，食落多汁嫩滑。🔹特濃芝士薯條薯條炸得好香脆，而且份量極多，但係最特別嘅都係佢哋嘅特濃芝士，除咗份量十足，芝士味仲特別濃厚～🔹香蒜白酒蜆肉意粉香蒜白酒蜆肉意粉充滿海鮮風味同濃郁蒜香。餐廳用新鮮蜆肉同意粉搭配，再加上蒜末、白酒。蜆肉經過烹調之後散發出香濃海鮮味，同意粉一齊食，令每一啖都充滿鮮香味。而且意粉用適量鹽同胡椒調味，有助提升整道菜既層次感，亦可以令到味覺更豐富。🔹煙三文魚忌廉番茄醬扁意粉呢道主食用咗煙熏三文魚、忌廉及番茄而成。三文魚帶一股濃郁煙熏風味，同忌廉和番茄既酸甜味相互配合。煙三文魚肉質鮮嫩，入口即化，同滑順既扁意粉完美結合。特別鍾意呢款扁意粉，寬度、厚度比起其他意粉更加掛汁，令人回味無窮～🔹藍莓芝士蛋糕面頭有香甜藍莓醬，底部既芝士餡質地