一鍋堂 (新都會廣場)

Open Now

Now Closed

之前食過荃灣嘅一鍋堂，用料新鮮，價錢實惠，所以一直念念不忘，當知道喺葵芳新開咗一間，而且長期爆滿，所以今日一早11點多就去到排隊，呢間超級大且寬敞一入門口，迎接我哋嘅就係一個超級大嘅雪櫃，擺放著整齊嘅蔬菜。再直行入去，就係擺放著熟食，同各式各樣的丸子，當然有我摯愛嘅臺灣香菇貢丸，我覺得哩間嘅香菇貢丸特別好食。我選擇咗100分鐘任食B餐，阿女一坐低，就用手機掃描點了養生藥材湯鍋，然後點了牛肉封門柳、牛板腱和西班牙粟飼豬肉，送餐速度極之快，轉眼已經送齊我們點的餸菜。養生藥鍋，內裹有大蔥、蒜頭、杞子、紅棗、龍眼肉和當歸等等，非常之香 ，淥完的食物就算不點任何醬料，也很夠味。牛肩肉油花分佈均勻，師傅刀功了得，切得很薄，輕淖三兩秒便食得，入口即化、甘香無比，這隻牛肉味也濃，一吃便知是靚牛。封門柳雖不見太多油花，但也嫩滑非常，入口輕嚼，肉香超濃，好味到不得了。另自家打的蟹籽蝦肉和黑松露墨魚肉,兩者都非常之彈牙好味，連續點了幾碟。另外就是很少見的紫淮山和紫蘿蔔，紫淮山，稍為淥一分鐘，便會爽脆鮮甜，如果喜歡吃粉糯的，時間便要長些少，自家製的鮮蝦雲吞，蝦肉也是極為彈牙鮮甜。最愛自家煲的洛神花茶和碟豆花茶