圓山台灣料理 (Closed)

呢間酒家每次經過都會見到，但因為感覺好似比較高級，所以一直冇諗過會食。今次同屋企人食飯終於黎到，酒家共有2層，而且估唔到幾多後生仔黎食!酒家食物款式都好多，我地都揀左一段時間先可以諗到食咩!本身想點套餐，但又想試下其他菜式，於是決定散叫。台灣花雕醉乳鴿($80)，一向都中意食酒浸的食物，之前去其他上海菜餐廳都會因為太夜而售完，但今次終於可以食到醉乳鴿。這裡的醉乳鴿非常入味，花雕酒味濃，乳鴿肉質嫩滑!三杯杏鮑菇($118)，這款杏鮑菇用煲仔上，上到枱先開蓋能夠保存熱力!杏鮑菇熱辣辣，好鮮甜多汁，而且非常入味!用黎送飯一流!鹹菜大腸($118)，自從上次食過四川菜的咸菜大腸之後，覺得用咸菜一齊整既菜式其實都幾特別!呢度的咸菜大腸會用爐熱住，保持住溫度，大腸唔會好肥，亦唔會有臭味!呢個菜式雖然是咸左少少，但係如果送飯係可以食到幾碗的，令人好開胃!這間酒家很適合跟屋企人一家人黎食!