Well-Lo Shunde Cuisine

圍爐以前在天后，食過之後一直念念不忘。知道他們移師銅鑼灣，當然要去食返餐。

新店在維園旁邊的新商業大廈樓上，環境比舊店開揚舒適，可以一邊欣賞無敵維園景色，一邊享用美食，心情都好啲 ☺️

今次中午去到，因為只有我老公兩個人，所以主要食點心。點心做得好精緻，特別係金沙鮮蝦雪茄，賣相似足雪茄，好型！

1

金沙鮮蝦雪茄

我最愛上湯炸粉果、蓮蓉西米焗布甸，以及鍋貼大明蝦，都是其他餐廳不常見到的傳統點心，這裏做得非常出色，足以證明佢哋師傅嘅功架了得，個鍋貼大明蝦簡直係世一 😋😋

蓮蓉西米焗布甸

1

鍋貼大明蝦

見到隔離枱，主要叫小菜。咕嚕肉、炸子雞、生菜包等，個樣好靚，睇到我流晒口水。餐牌上亦有其他傳統手工順德菜，下次一定要約埋全家再去幫襯。